Cana butelki apuściłasia z 6 dalaraŭ hod tamu da 3 dalaraŭ ciapier.
U niadzielu ustupaje ŭ siłu zahad Rasałkaholrehulavańnia ab źnižeńni minimalnaj roźničnaj cany na harełku z 220 da 185 rubloŭ za butelku. Pry hetym rasijski rubiel praciahvaje abiasceńvacca, a ceny na inšyja tavary i pradukty rastuć razam z devalvacyjaj.
Dakumient ustanaŭlivaje, što adpusknaja cana vytvorcy pavinna być nie mienšaj za 166 rubloŭ za 0,5 litra harełki krepaściu 40 hradusaŭ, cana ŭ aptovym źvianie — nie mienš za 175 rubloŭ, u roźnicy — nie mienš za 185 rubloŭ, paviedamlaje ahienctva TASS.
Akramia taho, zhodna z zahadam, zastajucca na ŭzroŭni 2014 hoda minimalnyja roźničnyja ceny na brendzi ŭ pamiery 293 rubloŭ za 0,5 litra, na kańjak — 322 rubla za 0,5 litra.
Namieśnik staršyni kamiteta Dziarždumy pa ekanamičnaj palitycy, inavacyjnym raźvićci i pradprymalnictvie Viktar Zvahielski patłumačyŭ, što źnižeńnie minimalnaj cany na harełku «adbyvajecca ŭ metach baraćby z kantrafaktam».
Źnižeńnie minimalnaj roźničnaj cany na harełku adbyvajecca ŭpieršyniu z momantu ŭkaranieńnia hetaha instrumienta kantrolu na ałkaholnym rynku ŭ 2010 hodzie.
Apytanka
Ciapier čytajuć
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR2
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary