Adzin čałaviek zahinuŭ u vyniku stralaniny na debatach ab bluźnierstvie i svabodzie samavyjaŭleńnia ŭ Kapienhahienie, jašče troje atrymali ranieńni, napadnikaŭ šukajuć. Paviedamlajecca, što zahinułamu było 40 hadoŭ.
Troje palicejskich, jakija achoŭvali biaśpieku na debatach, atrymali ranieńni paśla taho, jak dvoje ŭzbrojenych ludziej pasprabavali prarvacca na mierapryjemstva.
Ciapier napadnikaŭ šukajuć. Pa słovach vidavočcaŭ, nieviadomym udałosia zrabić nie mienš za 40 strełaŭ.
Na mierapryjemstvie vystupiŭ šviedski mastak Łars Viłks, jaki prasłaviŭsia karykaturami na praroka Muchamieda. Raniej jamu nieadnarazova pahražali ŭ suviazi ź jaho prafiesijnaj dziejnaściu. Viłks nie paciarpieŭ u vyniku stralaniny.
Akramia taho, u kaviarni, dzie adbyŭsia incydent, taksama prysutničaŭ ambasadar Francyi Fransua Zimieraj. U aficyjnym tvitary dypłamata paviedamlajecca, što jon nie paciarpieŭ.
Ciapier terytoryja vakoł pamiaškańnia, dzie prachodzili debaty, ačeplenaja. Palicyja ŭstanaviła zaharody i abšukvaje prylehły park.
Paśla napadu isłamistaŭ na redakcyju francuzskaha satyryčnaha časopisa Charlie Hebdo, jaki drukavaŭ karykatury ŭ tam liku na praroka Muchamieda, pa śviecie prajšła čarada mitynhaŭ z patrabavańniem zabiaśpiečyć abaronu svabody słova.
Fransua Zimieraj skazaŭ u intervju ahienctvu «Frans Pres», što ludzi, jakija napali na kaviarniu ŭ Kapienhahienie, pieraśledavali tyja ž mety, što i ludzi, jakija napali na redakcyju Charlie Hebdo.
Inžyniera-kanstruktara z upraŭleńnia «Pielenha», jakoje robić techniku dla rasijskaha vojska, asudzili pa palityčnych artykułach3
Kamientary