U vychadnyja dni ŭ Biełarusi zachavajecca nie pa siezonie ciopłaje i syroje nadvorje.
Pra heta paviedamiŭ načalnik słužby Biełhidramieta Dźmitryj Rabaŭ. Pavodle jaho słoŭ, takoje nadvorje abumoviać vilhotnyja pavietranyja masy, što pastupajuć z paŭdniovaha zachadu Jeŭropy.
«Zima skončyłasia raniej za čas. Da kanca zimy čakajecca nie zimovaje nadvorje», — adznačyŭ Rabaŭ.
U subotu, 21 lutaha, bieź istotnych apadkaŭ, tolki pa paŭdniovym uschodzie miescami nievialikija apadki (mokry śnieh, doždž). Nočču i ranicaj u asobnych rajonach tuman. Na asobnych učastkach daroh hałalodzica.
Tempieratura pavietra nočču 0 — minus 5°S, dniom plus 1—7°S.
U niadzielu miescami karotkačasovyja apadki (mokry śnieh, doždž). Nočču i ranicaj u asobnych rajonach tuman, słaby hałalod, na darohach hałalodzica.
Tempieratura pavietra nočču minus 2 — plus 3°S, dniom plus 1—7°S.
Pavodle słoŭ Rabava, na nastupnym tydni terytoryja krainy apyniecca pad upłyvam atmaśfiernych frantoŭ, jakija pieramiaščajucca z paŭdniovaha zachadu Jeŭropy.
23 lutaha na bolšaj častcy terytoryi karotkačasovyja apadki (mokry śnieh, doždž). Nočču i ranicaj u asobnych rajonach tuman, słaby hałalod, na darohach hałalodzica. Tempieratura pavietra nočču minus 2 — plus 3°S, dniom plus 1—7°S.
«Dalej istotnych źmienaŭ u nadvorji nie adbudziecca», — adznačyŭ sinoptyk.
U aŭtorak i sieradu na bolšaj častcy terytoryi apadki (doždž, mokry śnieh). Nočču i ranicaj miescami tuman, słaby hałalod, na asobnych učastkach daroh hałalodzica.
Tempieratura pavietra nočču minus 2—4°S, dniom plus 2—8°S.
Ciapier čytajuć
Muzyka Cim Suładze: Roźnica 30 hadoŭ — toje, što adpaviadaje maim ujaŭleńniam pra adnosiny38
Kamientary