«Žyćcio zrabiła niečakany kulbit». Syn i niaviestka byłoj ministarki infarmacyi Lilii Ananič pierajechali ŭ Kitaj
Śviatłanie Isajonak (Ananič) pryjšłosia navat kinuć svajo ciopleńkaje mieściejka ŭ sakrataryjacie Pałaty pradstaŭnikoŭ, kab razam z mužam adpravicca ŭ Padniabiesnuju.
Pra hłabalnyja pieramieny ŭ svaim žyćci niaviestka byłoj ministarki infarmacyi Lilii Ananič raspaviała ŭ instahramie. Jana apublikavała storyz z samalota i napisała: «Ranak novaha žyćcia pačaŭsia nad abłokami».
Dvanaccać hadoŭ Śviatłana Isajonak adpracavała ŭ «SB. Biełaruś siehodnia». Prapahandystka kalekcyjanavała listy ŭładaŭ z padziakami za svaju pracu. Byŭ navat list ad Łukašenki «za aktyŭny ŭdzieł u vybarčaj kampanii».
Ale ž letaś znajšła bolš ciopłaje miesca ŭ sakrataryjacie Pałaty pradstaŭnikoŭ, dzie adpracavała hod. Padvodziačy vyniki svajoj pracy, Śviatłana pachvaliłasia padziakaj ad Ihara Sierhiejenki.
Svaim padpisčykam Śviatłana paviedamiła, što jaje žyćcio zrabiła niečakany kulbit, tamu bližejšyja niekalki hadoŭ jana z mužam Andrejem budzie žyć u Piekinie.
Andrej Ananič pracuje ŭ śfiery zakupak, prodažu i łahistyki. U jaho pracoŭnaj knižcy była Nacyjanalnaja bijatechnałahičnaja karparacyja, a taksama kampanii «Dyleks transpart» i «Trajpł».
Kamientary