Ministr enierhietyki i vuhalnaj pramysłovaści Ukrainy Uładzimir Diemčyšyn zajaviŭ, što Ministerstva kamiercyi Kitaja i Bank raźvićcia paćvierdzili svaju hatoŭnaść vydzielić Ukrainie $3,6 młrd kredytu na prajekty pa zamiaščeńniu pryrodnaha hazu.
Pra heta paviedamlajuć «Ukrainskija naviny» sa spasyłkaj na intervju ministra časopisu «Fokus».
«Naša delehacyja tolki što viarnułasia z Kitaja, dzie sustrakałasia z pradstaŭnikami Ministerstva kamiercyi KNR i Banka raźvićcia. Jany paćvierdzili hatoŭnaść vydzielić kredyt 3,6 młrd dalaraŭ na prajekty pa hazazamiaščeńniu», — skazaŭ ministr.
Jon adznačyŭ, što hetyja kredytnyja srodki buduć nakiravanyja na madernizacyju CEC, ciepłavych sietak i, mahčyma, na budaŭnictva ŭ Adesie zavoda pa hazifikacyi vuhalu.
Jość taksama płany inviestavać u madernizacyju hazapierapracoŭčaha zavoda ŭ Charkaŭskaj vobłaści i ramont hazavych buravych śvidravin.
Kamientary