Kolkaść achviar napadu bajevikoŭ na muziej u stalicy Tunisa vyrasła da 22 (ź ich dvoje — miascovyja žychary), jašče 50 čałaviek atrymali ranieńni, pieradaje tuniskaje radyjo Mosaique FM sa spasyłkaj na krynicu ŭ špitali.
Raniej paviedamlałasia pra 19 zahinułych i 38 paranienych.
Siarod zahinułych — hramadzianie Polščy, Italii, Hiermanii i Ispanii.
Nieviadomyja, uzbrojenyja aŭtamatami, uvarvalisia ŭ muziej, raźmieščany pobač z budynkam parłamienta Tunisa, i adkryli ahoń pa naviedvalnikach, paviedamlajuć aficyjnyja asoby.
Paviedamlajecca, što napadniki zachapili ŭ zakładniki niekalki čałaviek, siarod jakich — turysty ź jeŭrapiejskich krain. Radyjo Tunisa pieradaje, što siarod zakładnikaŭ — hramadzianie Vialikabrytanii, Italii, Francyi i Ispanii.
U chodzie apieracyi sił biaśpieki dvoje napadnikaŭ byli zabityja, taksama zahinuŭ adzin palicyjant. Na dadzieny momant apieracyja zavieršana.
ŚMI Tunisa paviedamlajuć pra stralaninu, jakuju vidavočcy čuli la budynka parłamienta. Padčas napadu deputaty abmiarkoŭvali zakonaprajekt ab baraćbie z teraryzmam. Pasiadžeńnie pryjšłosia pierapynić, a deputataŭ — evakuiravać.
Spačatku paviedamlałasia, što budynak parłamienta i byŭ metaj napadnikaŭ. Paźniej stała zrazumieła, što bajeviki ŭvarvalisia ŭ muziej «Bardo», jaki znachodzicca niepadalok. Miesca zdareńnia ačeplena palicyjaj.
Jak paviedamiŭ pres-sakratar MUS Tunisa, u napadzie ŭdzielničali «dvoje ci bolš terarystaŭ, uzbrojenych aŭtamatami Kałašnikava». Bolšaść naviedvalnikaŭ muzieja ŭdałosia evakuiravać, adnak častka ź ich usio jašče zastajecca ŭnutry.
U apošni čas biaśpieka ŭ Tunisie vyklikaje ŭsio bolšy niepakoj pa miery taho, jak stanovišča ŭ susiedniaj Livii stanovicca ŭsio bolš niestabilnym. Značnaja kolkaść tuniscaŭ adpravilisia vajavać u Siryju i Irak. Isnujuć aściarohi, što pa viartańni nazad isłamskija bajeviki ździejśniać napady i ŭ siabie na radzimie.
Ciapier čytajuć
Cciapan Łatypaŭ treci raz sprabavaŭ ździejśnić suicyd u turmie3
Cciapan Łatypaŭ treci raz sprabavaŭ ździejśnić suicyd u turmie
Časam niečakanaja historyja biełaruskich himnaŭ: «My vyjdziem ščylnymi radami», «Pahonia», «Žyvie Biełaruś», «Radzima maja darahaja», «Mahutny Boža» (ź VIDEA)1313
Kamientary