Dla budaŭnictva novaha achoŭnaha sarkafaha na čaćviortym błoku Čarnobylskaj AES krainy Vialikaj siamiorki pavinny vyłučyć 165 młn jeŭra.
Pra heta zajaviŭ stats-sakratar fiederalnaha ministerstva abarony navakolnaha asiarodździa FRH Jochan Fłaśbiert.
«Liču, što dla kłuba ekanamična mocnych krain śvietu takaja suma nie prablema», — padkreśliŭ Fłaśbiert.
U ciapierašni čas dla zaviaršeńnia budaŭnictva sarkafaha nie chapaje 615 młn jeŭra, ale JEBRR vydzielić 350 młn jeŭra, a taksama dadatkova pradastavić harantyju na 100 młn jeŭra.
Ab namiery pryniać udzieł u finansavańni budaŭnictva abviaściła taksama i Rasija. Tamu pierad Vialikaj siamiorkaj paŭstała zadača sabrać 165 młn jeŭra. Kali finansavańnie prajekta budzie sarvana, heta budzie «vartym žalu sihnałam dla mižnarodnaj supolnaści», padkreśliŭ Fłaśbiert.
Jak viadoma, Hiermanija pryniała rašeńnie ab vydzialeńni dadatkova 18 młn jeŭra dla budaŭnictva sarkafaha ŭ Čarnobyli. Kanfierencyja donaraŭ hetaha prajekta pavinien adbycca 29 krasavika ŭ Łondanie.
Kamientary