Minharvykankam maje źmiaścić kamiery videanazirańnia ŭ kožnym dvary
A pry žadańni žycharoŭ — choć u kožny padjeździe.
U Minharvykankamie stvoranaja rabočaja hrupa, što zajmiecca sistemami videanazirańnia ŭ hramadskich miescach, raspaviadaje «SB».
Ciaham troch hod kamiery źjaviacca nie tolki ŭ parkach i skvierach, ale i ŭ kožnym dvary.
Pry žadańni žycharoŭ kamiery mohuć ustalavać i ŭ kožnym padjeździe, na leśvičnych kletkach.
«Za košt biudžetu padviadziem nieabchodnyja kamunikacyi, stvorym sierviernyja bazy. A niepasredna ŭstalavać kamiery prapanujem nasielnictvu tam, dzie paličać patrebnym», — prakamientavaŭ namieśnik kiraŭnika Minharvykankamu Uładzimir Kucharaŭ.
U hetym hodzie adpracoŭvajucca piłotnyja prajekty videasiervisaŭ, što finansujucca ź biudžetu i sa srodkaŭ nasielnictva. Poŭnaje pakryćcio hramadskich miescaŭ videakamierami dazvolić źmienšyć kolkaść pravaparušeńniaŭ i aktaŭ vandalizmu, miarkujuć u Minharvykankamie.
Akramia taho, Minharvykankam vystupiŭ ź inicyjatyvaj uzmacnieńnia adkaznaści za drobnyja pravaparušeńni kštałtu hrafici i paleńnia ŭ padjezdach.
Hetaja dziaŭčyna vyjšła ŭ centry Hrodna z płakatam «Nie vajnie». Jana raskazała, što pieražyła paśla14
Kamientary