Kandydat u prezidenty ad kampanii «Narodny refierendum» moža być nazvany bližejšym časam, paviedamiŭ namieśnik staršyni kampanii «Havary praŭdu» Andrej Dźmitryjeŭ.
«Tak, užo jość adčuvańnie, što času da vybaraŭ zastajecca mała, tamu, dumaju, kandydat u prezidenty ad «Narodnaha refierendumu» budzie nazvany nieŭzabavie», — skazaŭ jon.
U kampaniju «Narodny refierendum» akramia «Havary praŭdu» ŭvachodziać Partyja BNF, Biełaruskaja sacyjał-demakratyčnaja partyja (Hramada) i ruch «Za Svabodu».
Pavodle słoŭ Dźmitryjeva, dla «Havary praŭdu» pryncypova, kab ad «Narodnaha refierendumu» byŭ vyłučany ahulny kandydat. Na jaho dumku, mienavita heta kampanija siońnia źjaŭlajecca «samaj pierśpiektyŭnaj hrupaj» u demakratyčnych siłach.
Dźmitryjeŭ zaznačyŭ, što ŭ kožnaj struktury, jakaja ŭvachodzić u kampaniju «Narodny refierendum», jość svaje prapanovy nakont asoby kandydata ŭ prezidenty. Pavodle jaho słoŭ, heta dosyć vialiki śpis, u jaki ŭvachodziać u tym liku i žančyny, naprykład pradstaŭnik «Havary praŭdu» Taćciana Karatkievič i staršynia BSDP (Hramada) Iryna Vieštard.
«Pakul nichto publična nie zajaŭlaŭ, što nie idzie na vybary, u tym liku i Uładzimir Niaklajeŭ (kandydat u prezidenty na vybarach 2010 hoda, lidar «Havary praŭdu»)», — dadaŭ Dźmitryjeŭ.
Jak paviedamlałasia raniej, Partyja BNF na pasiadžeńni sojma 7 sakavika pryniała rašeńnie prapanavać vyłučyć kandydatam u prezidenty ad kampanii «Narodny refierendum» namieśnika staršyni partyi Ryhora Kastusiova.
Pra svajo žadańnie ŭdzielničać u vybarach u jakaści kandydata ŭ prezidenty ŭžo zajaŭlali lidary Abjadnanaj hramadzianskaj partyi Anatol Labiedźka i Libieralna-demakratyčnaj partyi Siarhiej Hajdukievič.
Siarod mahčymych pretendentak na pasadu kandydata ŭ prezidenty nazyvalisia pieršy namieśnik staršyni hramadskaha abjadnańnia «Tavarystva biełaruskaj movy imia Franciška Skaryny» Alena Anisim i lidar hramadzianskaj kampanii «Naš dom» Volha Karač.
Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy29
Kamientary