Mininfarmacyi abmiežavała dostup da partała nieruchomaści hata.by za parnahrafiju
Uładalnik sajta zajaŭlaje, što jaho ŭzłamali.
Ministerstva infarmacyi svaim rašeńniem abmiežavała dostup da partała nieruchomaści hata.by. Jak kaža ŭładalnik resursu Jahor Darafiejeŭ, častka pravajdaraŭ całkam zabłakavali dostup da sajta, častka — tolki da kankretnaj staronki.
Jak piša tut.by, internet-resurs trapiŭ u «čorny śpis», bo na im źjavilisia materyjały, zabaronienyja dla raspaŭsiudu ŭ adpaviednaści z Zakonam ab ŚMI. Pa słovach Darafiejeva, nieviadomyja chakiery ŭzłamali sajt hata.by i na adnoj sa staronak raźmiaścili śpiarša rekłamu spajsaŭ, a potym dziciačuju parnahrafiju. Spasyłki na staronku byli dasłanyja ŭ Mininfarmacyi i MUS, paśla čaho było pryniataje rašeńnie abmiežavać dostup da sajta.
Chacia ŭładalniki partała apieratyŭna vydalili staronku z zabaronienaj infarmacyjaj, Mininfarmacyi nie śpiašajecca zdymać abmiežavańnie. U ministerstvie kažuć, što adpaviednaje rašeńnie prymuć paśla taho, jak MUS paviedamić pra vypraŭleńnie parušeńnia. Nahadajem, što zhodna z zakonam viedamstva maje ceły miesiac na razhlad zvarotu ab razbłakavańni resursu.
Čynoŭniki kažuć, što paviedamleńnie pra ŭzłom sajta nie paŭpłyvaje na termin pryniaćcia rašeńnia, bo ŭładalnik musiŭ zabiaśpiečyć abaronu svajho resursu.
Tym časam za tydzień abmiežavańnia dostupu da sajta jaho naviedvalnaść źniziłasia na 40—50%, śćviardžaje ŭładalnik.
Ciapier čytajuć
Aleksijevič: Adno z samych mocnych uražańniaŭ u žyćci — kali ja apynułasia ŭ natoŭpie ŭ 2020 hodzie6
Kamientary