15 (–). Leanid Anfimaŭ
Staršynia Kamiteta dziaržkantrolu.
Anfimaŭ naradziŭsia ŭ rasijskaj hłybincy ŭ miastečku z paetyčnaj nazvaj Sima Jurjeŭ-Polskaha rajona Uładzimirskaj vobłaści. Kaža, što pieršaj jahonaj pracaj było paśvić kałhasnych koniej. Ciapier Anfimaŭ hałoŭny «pastuch» krainy. Hety dziadula, jaki dabra-dušna ŭśmichajecca z-pad sivych vusaŭ, navodzić strach na mnohija arhanizacyi i ludziej. Pravierak KDK realna bajacca.
Niekali Anfimavu byli nie čužyja libieralnyja pohlady. Niekali jon stajaŭ la vytokaŭ Hramadzianskaj partyi, jakaja ŭ budučyni pieraŭtvorycca ŭ AHP. Praŭda, paźniej jon pradkazvaŭ padzieńnie Amieryki i dalara. A voś pra rubiel maŭčaŭ.
Cytata
«Ekanomika stała zakładnikam bankaŭskaj sistemy. Bankaŭskaja sistema stała svajho rodu MMM, dzie łamavuju nahruzku ciahnuć pradpryjemstvy realnaha siektara».
Na naradzie pa biahučych ekanamičnych pytańniach, listapad 2014.
Abjektyŭka
Nar. u 1954 hodzie. Skončyŭ Biełaruski politechničny instytut (1977), Narhas (1988). Pracavaŭ instruktaram pramysłova-transpartnaha adździeła Zavodskaha rajkama KPB, hienieralnym dyrektaram vytvorčaha abjadnańnia «Dyzajn». Ad 1991 da 2001 pracavaŭ u Minharvykankamie. Potym sychodziŭ u KDK, paśla čaho znoŭ viartaŭsia ŭ Minharvykankam. Z krasavika 2006 namieśnik kiraŭnika Administracyi prezidenta. U śniežni 2010 staŭ namieśnikam staršyni KDK. Ad kastryčnika 2014 — staršynia KDK.
* * *
Čytajcie taksama:
Ad pastucha da hałoŭnaha pastucha krainy: piać faktaŭ pra Leanida Anfimava
* * *
«Vyrašyš uciačy — pałamaju nohi». Były palitviazień raskazaŭ ab pracy na chimii pa 18 hadzin na dzień1
Kamientary