Padalak paśla zvalnieńnia Jermaka atrymaŭ inšuju pasadu ŭ Ofisie prezidenta
Padalak praciahvaje pracu ŭ Ofisie prezidenta Ukrainy, raniej ŚMI paviedamlali pra jaho adstaŭku.
Eks-daradca Andreja Jermaka Siarhiej Leščanka zajaviŭ, što razam ź Michaiłam Padalakom praciahvaje pracavać u Ofisie prezidenta Ukrainy, ale na inšych pasadach.
«Sapraŭdy, kali źmianiajecca kiraŭnictva — heta značyć, syšoŭ kiraŭnik Ofisa, syšli jahonyja daradcy, ciapier niama kiraŭnika Ofisa. Ja i Michaił Padalak pierapryznačanyja na pasady daradcaŭ Ofisa prezidenta. Heta pastanova, jakoj užo nie adzin tydzień».
Pavodle słoŭ Leščanki, u funkcyjanale ničoha nie źmianiłasia. Namieśniki kiraŭnika Ofisa adkaznyja za kožny kirunak, heta štatnyja pasady, a jon i Padalak — pazaštatnyja daradcy.
Raniej vydańnie «Ukrainskija naviny» paviedamiła, što paśla adstaŭki Andreja Jermaka z pasady kiraŭnika Ofisa prezidenta Ukrainy byli zvolnienyja ŭsie jahonyja daradcy i pamočniki.
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»1
Kamientary