U Biełarusi pačali padrychtoŭčyja pracy da budaŭnictva treciaha enierhabłoka Biełaruskaj AES
Ministr enierhietyki Dzianis Maroz paviedamiŭ, što razam z «Rasatamam» abmiarkoŭvajuć finansavyja, technałahičnyja, arhanizacyjnyja aśpiekty prajekta.
«Pa vynikach narady ŭ kiraŭnika dziaržavy 14 listapada 2025 hoda pryniataja pastanova ab dalejšym raźvićci atamnych hienieracyjnych mahutnaściej i budaŭnictvie treciaha enierhabłoka Biełaruskaj AES, — skazaŭ jon.
Padrychtoŭčyja raboty da realizacyi prajekta ŭžo raspačatyja, skazaŭ jon. Sfarmavany płan pieršačarhovych mierapryjemstvaŭ, rychtujecca pakiet mižnarodnych pahadnieńniaŭ, jakija płanujucca da padpisańnia z rasijskaj staranoj. Supolna z kiraŭnictvam Dziaržkarparacyi «Rasatam» abmiarkoŭvajucca finansavyja, technałahičnyja i arhanizacyjnyja aśpiekty prajekta.
«My abmiarkoŭvajem pieryjad uviadzieńnia treciaha błoka ŭ biełaruskuju enierhasistemu ŭ pieryjadzie 2035‑2038 hadoŭ», — skazaŭ Maroz.
Paviedamlajecca, što paralelna arhanizavana praca pa vyvučeńni pierśpiektyŭ budaŭnictva ŭ Mahiloŭskaj vobłaści druhoj atamnaj stancyi.
Ciapier čytajuć
18‑hadovy były palitviazień raskazaŭ, što jon svajak Cichanoŭskaj. Jaho zatrymali, kali jon jechaŭ vajavać za Ukrainu4
Kamientary