Hramadstva1111

«Heta doktar ad Boha». Za palityku sudziać dziciačaha ankołaha z 23-hadovym stažam

Alena Šarafanovič doŭhi čas pracavała ŭ Centry dziciačaj ankałohii, hiematałohii i imunałohii ŭ Baraŭlanach, a paśla ŭ RNPC dziciačaj chirurhii.

Alena Šarafanovič. Fota: sacsietki

U Pieršamajskim sudzie Minska 30 studzienia 2025 hoda pačnuć sudzić Alenu Šarafanovič. Heta adzin z najlepšych dziciačych ankołahaŭ Biełarusi, u miedycynskich čatach i supołkach niama nivodnaha niehatyŭnaha vodhuku pra jaje ad pacyjentaŭ. Naadvarot, udziačnyja ludzi pieradajuć adzin adnamu jaje imia.

«Heta doktar ad Boha. Vylečyła majho syna, kali ŭsie kazali, što inšaha lačeńnia niama. Dziakuj vielizarny vam». «Šarafanovič —vielmi dobry śpiecyjalist, kali b vy raniej źviarnulisia, vam dapamahli b». «Tak, da jaje, šmat vodhukaŭ ab joj dobrych!!!». «Žonka adpraviła. Skazała: supierdoktar. Ja nie vieryŭ i pastaviŭsia skieptyčna. Ale akazałasia, što tak i jość».

Alenie Šarafanovič inkryminujuć «narodny» artykuł 342 Kryminalnaha kodeksu — udzieł u pratestach. Pa ciapierašniaj biełaruskaj zaviadzioncy ludzi z takim abvinavačvańniem čaściej za ŭsio čakajuć suda ŭ śledčym izalatary.

Alena Šarafanovič. Fota: Miedycynski vieśnik

Sudzić doktarku budzie namieśnica staršyni suda Pieršamajskaha rajona Natalla Dziadkova. Tolki za apošni hod jana asudziła dva dziasiatki čałaviek za ŭdzieł u pratestach. I jašče niekalki pa inšych palityčnych spravach.

Alena Šarafanovič skončyła Minski miedycynski instytut (2001) i aśpiranturu Biełaruskaj miedycynskaj akademii paśladypłomnaj adukacyi pa śpiecyjalnaści «ankałohija» (2019). Šeść razoŭ prachodziła kursy pavyšeńnia kvalifikacyi, stažyravałasia ŭ Hiermanii i ZŠA.

13 hadoŭ pracavała ŭ Centry dziciačaj ankałohii, hiematałohii i imunałohii ŭ Baraŭlanach, jašče 3 hady ŭ RNPC dziciačaj chirurhii. Adnačasova viała pryjom u «Łade», Centry łaziernaj dermatałohii «HappyDerm».

Alena Šarafanovič

U 2022 hodzie Alena Šarafanovič, jakaja była dyrektarkaj pryvatnaj «Kliniki A1», trapiła ŭ centr skandału. Adzin z suzasnavalnikaŭ miedcentru pisaŭ skarhi na svaju ž kliniku, bo vajavaŭ z druhim suzasnavalnikam, Rusłanam Šarafanovičam — heta muž Aleny. U vyniku ŭ «A1» zabrali licenziju, i praca była paralizavanaja. A na samu Alenu adna z supracoŭnic napisała danos za «raspaŭsiud ekstremisckich materyjałaŭ». Dyrektarku sudzili, jana atrymała štraf. Klinika nieŭzabavie zakryłasia.

Miarkujučy pa źviestkach «Viasny», taho samaha muža, Rusłana Šarafanoviča, taksama sudzili pa kryminalnaj spravie za ŭdzieł u pratestach. Čym skončyŭsia praces, nieviadoma.

Kamientary11

  • Maryia
    22.01.2025
    Sapraŭdy, vielmi dobraja pani lekar. Jak ža heta niespraviadliva.
    Zdaroŭja Vam mocnaha, Jelena! Dziakuj za Vašy dobryja spravy i prafiesijanalizm!
  • Hieło
    22.01.2025
    Očień kłassnaja śpiecialistka i vrač i čiełoviek.. Sam s niej znakom i był na prijemie nieskolko raz. Diełała opieraciju synu na licie.

    Sdiełała tak, čto tiepieŕ voobŝie niet śledov opieracii
  • Josik
    22.01.2025
    U zhrai łukašyskaj i ŭ jaho samoha jość kamu lačyć, na astatni harod jon sikaje ŭžo čyerć stahod́dzia - dy choć tryputnikam i sodaj lačyciesia ad usiaho. Treba ŭsich źniščyć, jany hetym i zajmajucca. Voś kali vyśvietlicca, što ŭ małodšaha miełanoma, vo tady zabiehajuć, a tak cierpim dalej.

Dziajkała: Naša situacyja nie ciahnie na Mižnarodny trybunał u Haazie. Važna, kab praces nad Łukašenkam adbyŭsia ŭ Minsku

Dziajkała: Naša situacyja nie ciahnie na Mižnarodny trybunał u Haazie. Važna, kab praces nad Łukašenkam adbyŭsia ŭ Minsku

Usie naviny →
Usie naviny

«Kolki pavinien zarablać chłopiec u Minsku, kab sustrakacca z vami?» Skandał vakoł vuličnaha apytańnia90

Biełaruskaha bajca MMA ŭ Polščy abvinavačvajuć u źbićci. Jamu pahražaje da 20 hadoŭ2

«Kab apynucca ŭ bambaschoviščy, u ciabie 6 siekund». Biełaruska raspaviała pra vałanciorstva ŭ Izraili, u tym liku pobač z Hazaj10

Tvarožnaja zapiakanka ź jabłykami — recept2

Čaćviertaja kniha ź sieryi pra Hary Potera pabačyła śviet1

Ad siońnia na 10 miesiacaŭ zakryŭsia most z vulicy Maskoŭskaj da płoščy Niezaležnaści. Jak budzie abjazdžać zvyčajny i hramadski transpart?

Zialenski: Paŭnočnakarejskija vojski viarnulisia na liniju frontu2

Apple moža zdać pryvatnyja danyja ŭsich svaich karystalnikaŭ u śviecie śpiecsłužbam Vialikabrytanii. Heta moža stać niebiaśpiečnym precedentam4

Nieabchodnyja hrošy na patreby Paliny Šarendy-Panasiuk sabrali za niekalki hadzin5

bolš čytanych navin
bolš łajkanych navin

Dziajkała: Naša situacyja nie ciahnie na Mižnarodny trybunał u Haazie. Važna, kab praces nad Łukašenkam adbyŭsia ŭ Minsku

Dziajkała: Naša situacyja nie ciahnie na Mižnarodny trybunał u Haazie. Važna, kab praces nad Łukašenkam adbyŭsia ŭ Minsku

Hałoŭnaje
Usie naviny →

Zaŭvaha:

 

 

 

 

Zakryć Paviedamić