Respublikanski subotnik projdzie ŭ Biełarusi 18 krasavika. Pracoŭnuju hrupu pa jaho padrychtoŭcy i praviadzieńni ŭznačalić namieśnik premjer-ministra Natalla Kačanava.
Adpaviednaje rašeńnie zamacavana pastanovaj Savieta Ministraŭ №270 ad 3 krasavika 2015 hoda.
U suviazi sa śviatkavańniem 70-hodździa Pieramohi rekamiendavana na dobraachvotnaj asnovie pravieści 18 krasavika respublikanski subotnik na pracoŭnych miescach abo ažyćciavić dobraŭparadkavańnie i pryviadzieńnie ŭ naležny stan miemaryjalnych kompleksaŭ, pomnikaŭ, miescaŭ bajavoj i vajskovaj słavy, pachavańniaŭ časoŭ Vialikaj Ajčynnaj vajny, a taksama padrychtoŭku dziciačych azdaraŭlenčych łahieraŭ da letniaha siezona.
Zhodna z pastanovaj, zaroblenyja na pracoŭnych miescach u dzień praviadzieńnia subotnika hrašovyja srodki, u abjomach, što vyznačajucca rabotnikami, u tym liku dziejnaść jakich nie źviazana z vytvorčaściu pradukcyi (rabot), akazańniem płatnych pasłuh, buduć pieraličvacca praz rajonnyja i haradskija vykanaŭčyja kamitety ŭ abłvykankamy i Minski harvykankam.
Jany ŭ svaju čarhu pieraličać 50% Ministerstvu finansaŭ, 50% zastaniecca ŭ ich rasparadžeńni. Hetyja srodki buduć nakiravanyja na padrychtoŭku dziciačych łahieraŭ da letniaha siezona, u tym liku na raźvićcio i ŭmacavańnie ich materyjalna-techničnaj bazy, a taksama na realizacyju mierapryjemstvaŭ, źviazanych ź śviatkavańniem 70-j hadaviny Pieramohi savieckaha naroda ŭ Vialikaj Ajčynnaj vajnie, uklučajučy ramont, rekanstrukcyju, restaŭracyju, adnaŭleńnie miemaryjalnych kompleksaŭ, pomnikaŭ, miescaŭ bajavoj i vajskovaj słavy, pachavańniaŭ časoŭ vajny.
«Pry ŭdziele ŭ respublikanskim subotniku niekamiercyjnych arhanizacyj hrašovyja srodki pa rašeńni kalektyvaŭ ich rabotnikaŭ mohuć pieraličvacca ŭ pamierach, vyznačanych dobraachvotna samimi kalektyvami, u adpaviednaści z paradkam, što ŭstanaŭlivajucca Ministerstvam finansaŭ», - udakładnili ŭ pres-słužbie ŭrada.
Utrymańnie najmalnikami hrašovych srodkaŭ z zarabotnaj płaty rabotnikaŭ, dla jakich 18 krasavika budzie pracoŭnym dniom, biarecca ź ich zhody ŭ pamierach, vyznačanych dobraachvotna samimi kalektyvami rabotnikaŭ.
Respublikanskim orhanam dziaržkiravańnia i inšym dziaržaŭnym arhanizacyjam, padparadkavanym uradu, miascovym vykanaŭčym i rasparadčym orhanam daručana stvaryć u abłaściach, haradach, rajonach, arhanizacyjach rabočyja hrupy pa padrychtoŭcy i praviadzieńni respublikanskaha subotnika z ulikam ŭdziełu ŭ im hramadzian vyklučna na dobraachvotnaj asnovie.
Ministerstva transpartu i kamunikacyj, abłvykankamy i Minski harvykankam pavinny buduć zabiaśpiečyć 18 krasavika bieśpierabojnuju pracu pasažyrskaha transpartu.
«Zasiarodžusia na pracy z ZŠA». Cichanoŭski raskazaŭ pra svaje palityčnyja płany na 2026 hod32
Kamientary