Paśla ŭkaranieńnia ŭ škołach profilnaha navučańnia płanujecca ŭnieści źmieny ŭ CT
Paśla ŭkaranieńnia ŭ biełaruskich škołach profilnaha navučańnia płanujecca ŭnieści źmianieńni ŭ praviadzieńnie centralizavanaha testavańnia, paviedamiła na pres-kanfierencyi ŭ Minsku 9 krasavika namieśnik ministra adukacyi Raisa Sidarenka.
«My zaraz razhladajem šmat varyjantaŭ, jak minimum, ich čatyry. Pakul heta ŭsiaho tolki rabočyja varyjanty, my praanalizujem ich, ale źmianieńni, chutčej za ŭsio, buduć tolki praz dva hady», — skazała jana.
Jak zaznačyła namieśnik ministra, zaraz usie vučni zdajuć ekzamieny pa ŭsich pradmietach na adnym uzroŭni, «choć časta ekzamien pa ruskaj movie nie daje fiziku atrymać toj bał, jaki jamu chaciełasia b». «My heta bačym, i niejkija karekciroŭki, biezumoŭna, buduć u centralizavanym testavańni», — padkreśliła jana.
Aprača taho, pavodle słoŭ Sidarenki, razhladajecca pytańnie ab uniasieńni źmianieńniaŭ u praviadzieńnie vypusknych školnych ekzamienaŭ, adnak jany taksama buduć uniesieny nie raniej čym praz dva hady, bo sa škoł buduć vypuskacca vučni, jakija vučylisia pa starych prahramach. «My pahladzim, ci jość nieabchodnaść, ci patrebnaja niejkaja karekciroŭka vypusknych ekzamienaŭ. Heta pytańnie siońnia razhladajecca. Mahčyma, heta buduć niejkija abaviazkovyja pradmiety dla ŭsich i pradmiet, jaki vyvučajecca na pavyšanym uzroŭni, ale heta rašeńnie my prymiem praz hod», — rastłumačyła jana.
Nahadajem, 1 vieraśnia 2015 hoda ŭstanovy siaredniaj adukacyi atrymajuć mahčymaść adkryvać kłasy z pavyšanym uzroŭniem vyvučeńnia pradmietaŭ. Jany buduć dastupnyja tolki na treciaj stupieni ahulnaj siaredniaj adukacyi, heta značyć u nastupnym hodzie źjaviacca tolki ŭ 10-ch kłasach.
Ciapier čytajuć
Advakat Kanavałava, rasstralanaha za terakt u mietro, upieršyniu raskazaŭ, što adbyvałasia padčas śledstva63
Kamientary