Žycharoŭ dvuch damoŭ u centry Horadni vysialajuć u staroje žytło.
Žycharoŭ dvuch starych damoŭ u centry Horadni vysialajuć, kab pašyryć budoŭlu. Firma «Kansent» buduje pobač kvatery «biznes‑klasy». Ludzi aburanyja, što ich vysialajuć u staroje žytło, a elitnyja kvatery pradajuć pa 950‑1300 dalaraŭ za kvadratny metar.
Karespandent: «U Horadni ŭźnikła kanfliktnaja sytuacyja: firma «Kansent» buduje vialiki dom z elitnym žyllom, jak było abvieščana. Na miescy budoŭli byli zrujnavanyja niekalki starych damoŭ, i ciapier budaŭnikam spatrebiłasia razburyć jašče dva, jany na vulicy Antonava, 4a i 4b»
Žychar: «Ja ŭsie svaje sorak siem hadoŭ tut žyvu, z 1961 hodu, na druhim paviersie, na pieršym — maja maci, joj 81 hod. Jany spačatku chočuć mianie vysielić, a kudy maci pašluć — biez paniaćcia, a chto jaje dahladać budzie?»
Karespandent: «Chto heta vysialaje — firma «Kansent» ci ŭłady?»
Druhi žychar: «Firma «Kansent», što za našym domam svoj buduje».
Pieršy žychar: «Pryjšli i adrazu ŭ sud, na mianie idzie razbor ź vieraśnia. Nam prapanujuć «bamžatnik»: adzinaccać tysiač košt kvatery toj, ujaŭlajecie?»
Žycharka: «U hetaj firmy zusim niapravilnyja metady raboty ź biełaruskim narodam, my zastalisia biaspraŭnyja. Kali harvykankam buryć u centralnaj častcy horadu damy na Savieckaj, na Harnavych, na Davatara, to ludziam dajuć novyja kvatery ŭ novych damach. A nam vielmi nie pašancavała ź firmaj, jakaja ŭciskaje našyja pravy i hladzić tolki svaje kamercyjnyja intaresy».
Karespandent: «Skažycie, a vas taksama praz sud vysialajuć?»
Druhaja žycharka: «Tak, taksama hetak vysialajuć, i, jak kazała susiedka, vielmi kryŭdna praz toje, što našyja biełaruskija ŭłady nie abaraniajuć svajho narodu, našych pravoŭ. My kinutyja ludzi i najmać advakataŭ nia možam, i na jakoj padstavie pavinny heta rabić?»
Pieršaja žycharka: «Pradadziena biełaruskaja ziamla razam z narodam. Vielmi kryŭdna, što jany hatovyja źnieści damy, nie cikaviačysia, dzie my budziem žyć. Heta ŭsio, što ŭ nas jość. U nas tut piataje pakaleńnie pačynaje hadavacca ŭ hetych damach. U nas karani ŭ hetuju ziamlu ŭraśli».
Viktar Łukašenka zaśviaciŭ na pasiadžeńni NAK svoj hadzińnik — ciažki luks30
Viktar Łukašenka zaśviaciŭ na pasiadžeńni NAK svoj hadzińnik — ciažki luks
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2222
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki22
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary