Rasieja praciahvaje enerhietyčnuju ekspansiju na Bałkanach. Urad Serbii pastanaviŭ addać hazapravody i pierahonnyja zavody pad kantrol “Hazpromu”, jaki na hety čas užo adyhryvaje viadučuju rolu ŭ enerhietyčnaj sfery Baŭharyi.
Rasieja praciahvaje enerhietyčnuju ekspansiju na Bałkanach. Urad Serbii pastanaviŭ addać hazapravody i pierahonnyja zavody pad kantrol “Hazpromu”, jaki na hety čas užo adyhryvaje viadučuju rolu ŭ enerhietyčnaj sfery Baŭharyi.
Urad Serbii pryniaŭ prajekt damovy z uradam Rasiei pra supracoŭnictva ŭ naftavaj i hazavaj halinie, jakuju ŭ piatnicu, 25 studzienia, padpišuć u Maskvie.
Na padstavie hetaj umovy “Hazprom” stanie stratehičnym investaram kancernu NIS, jaki maje vialikija naftapierahonnyja zavody i amal poŭnuju manapoliju na paliŭnym rynku Serbii. “Hazprom” razam z kancernam “Serbijahaz” praviadzie taksama adzin hazapravod South Stream praz Čornaje mora, praź jaki rasiejcy buduć pastaŭlać haz u Paŭdniovuju i Centralnuju Eŭropu, a na poŭnačy Serbii rasiejcy pabudujuć padziemny skład dla syraviny z čarnamorskaj truby.
-- Praz hetuju ŭmovu Serbija addaje ŭ rasiejskija ruki svaju enerhietyčnuju niezaležnaść, -- tak aceńvaje sytuacyju Miša Brkič, serbski ekanamičny analityk ahienctva AFP.
Rašeńnie ŭładaŭ u Biełhradzie maje vialikaje palityčnaje značeńnie. U pieršym tury prezydenckich vybaraŭ u Serbii lider ultranacyjanalistaŭ Tamisłaŭ Nikalič atrymaŭ niaznačnuju pieravahu nad ciapierašnim prazachodnim prezydentam Serbii Barysam Tadzičam. U druhim tury, 3 lutaha, serby buduć vybirać nia tolki prezydenta z dvuch kandydataŭ, ale taksama palityčny kirunak — pamiž intehracyjaj z Rasiejaj i intehracyjaj z EZ. Premjer Kaštunica admoviŭsia padtrymać Tadziča pierad druhim turam.
U Biełhradzie enerhietyčnaja damova z Rasiejaj vyklikaje vialikija pratesty. “Hazpromniefť” atrymoŭvaje prava biaz tenderu nabyć 51 % akcyjaŭ NIS usiaho za 400-500 młn eŭra. Prazachodni ministar ekanomiki i pryvatyzacyi Serbii Mładzian Dzinkič nazvaŭ heta abraźlivaj prapanovaj, pakolki rasiejcy atrymajuć za nievialikija hrošy manapoliju na serbskim paliŭnym rynku. Sapraŭdnaja vartaść NIS składaje 2 miljardy eŭra, a nieruchomaść kancernu aceńvajecca na 800 młn eŭra.
Na dumku Dzinkiča, Serbija mahła b zarabić u piać-vosiem razoŭ bolej, čym daje Hazprom, pryvatyzujučy NIS na adkrytym aŭkcyjonie. Adnak, na dumku mnohich naziralnikaŭ, premjer Vaisłaŭ Kaštunica svajoju schilnaściu da “Hazpromu” kampensuje Maskvie jaje palityčnuju padtrymku. Rasieja padtrymlivaje Kaštunicu ŭ jahonym zmahańni suprać pryznańnia niezaležnaści Kosava. Miž tym imknieńnie Kosava padtrymlivajuć ZŠA i bolšaść krainaŭ ES.
Pradstaŭniki ž prazachodniaj Demakratyčnaj partyi va ŭradzie Serbii nia vystupili suprać damovy z Rasiejaj paśla niadzielnaha pośpiechu ŭltranacyjanalistaŭ, bo bajacca stracić hałasy ŭ druhim tury prezydenckich vybaraŭ.
Niadaŭna Pucin pierakanaŭ taksama ŭłady Baŭharyi dałučycca da budaŭnictva hazapravodu South Stream, uciahvajučy ŭ rasiejskuju arbitu taksama i Safiju.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?21
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary