Stvaralniki Viber zasnavali ŭ Minsku novy prajekt
Detali Ihar Mahazińnik i Talmon Marka nie raskryvajuć, ale majuć ambicyi «źmianić śviet».
Praz hod paśla prodažu miesiendžara Viber japonskamu telekam-hihantu Rakuten jaho zasnavalniki Ihar Mahazińnik i Talmon Marka raspačynajuć novy prajekt, pra što raspaviali ŭ vialikim intervju dev.by. Razam ź imi nad prajektam pracuje Alaksiej Minkievič, były dyrektar adździełu internet-vyrašeńniaŭ IBA.
Mahazińnik i Marka pakinuć Viber, ale ŭ im «zastanucca ŭ kansultatyŭnaj roli». Novy prajekt robicca supolna z Rakuten, novymi ŭładalnikami ich papiaredniaha prajektu.
«Pakul usio ŭ režymie strohaj sakretnaści, va ŭsich padrabiaznaściach pra heta my raspaviadziem, mabyć, tolki praz hod, — kaža Mahazińnik. — A pakul možam pieraličyć klučavyja słovy: internet, mabilnyja technałohii, karystalniki. Jak i Viber, hetaja kampanija budzie raskidana pamiž niekalkimi krainami. Kali kazać pra technałahičnyja składniki, asnoŭnyja data-centry buduć u Minsku i ŭ Izraili».
Ab prodažy Viber Mahazińnik i Talmon nie škadujuć. Navat z ulikam taho, što ich kankurentaŭ, miesiendžar WhatsApp, Facebook kupiŭ za 19 młrd dalaraŭ, a Viber pradali za 900 młn dalaraŭ pry paraŭnalnaj bazie karystalnikaŭ. Pa słovach Talmona, važna było pradać kampaniju tym, chto praciahnie jaje raźvivać (na momant publikacyi baza karystalnikaŭ Viber raście, na studzień 2015 hoda jana skłała 246 młn aktyŭnych karystalnikaŭ).
Pra novy prajekt Talmon kaža jak pra niešta, što «patencyjna navat kruciej i bolš za Viber». Minkievič u svaju čarhu adznačaje, što prajekt daloki ad paniaćcia «startap» — «chutčej prapracavany da drabniutkich niuansaŭ biznes-kiejs, jaki treba realizavać».
Čytajcie taksama: Ihar Mahazińnik: biełarus, jaki stvaryŭ Viber
Ciapier čytajuć
«My čakali Połk Kalinoŭskaha, kab vyzvaliŭ nas». Palitviazień patłumačyŭ, čamu paprasiŭ ab pamiłavańni4
«My čakali Połk Kalinoŭskaha, kab vyzvaliŭ nas». Palitviazień patłumačyŭ, čamu paprasiŭ ab pamiłavańni
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier33
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier3
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary