Za 2014 hod tolki 9,5% knih u Biełarusi vydadziena pa-biełarusku
Jak i ŭ minułym hodzie, pa-biełarusku ŭ Biełarusi vychodzić kožnaja dziasiataja kniha.
Pavodle źviestak Nacyjanalnaha statystyčnaha kamitetu, u 2014 hodzie dola vydadzienych pa-biełarusku najmieńniaŭ knih i brašur zastałasia niaźmiennaj: 9,5%.
Z 11613 najmieńniaŭ knih i brašur pa-biełarusku vydadziena 1105, pa-rusku — 9572. Adzinkavyja vydańni vychodzili na staražytnahreckaj, piersidskaj, słavackaj i turkmienskaj movach.
Ahułam za hod było vydadziena 31,2 młn asobnikaŭ knih i brašur, što mieniej za minuły hod na 0,2 młn. Dola biełaruskamoŭnych knih pa nakładzie nie nazvanaja.
Za apošnija 15 hod sumarny nakład vydadzienych u Biełarusi knih i brašur niespynna źmianšajecca, z 2000 hoda skaraciŭsia na 49%.
Pra dolu biełaruskamoŭnych knih u minułym hodzie ministr infarmacyi Uładzimir Matusievič kazaŭ: «Šmat heta ci mała, skazać ciažka. Napeŭna, heta stolki, kolki taho siońnia patrabuje rynak».
Asnoŭnaja masa knih i brašur, vydadzienych u Biełarusi — navučalnaja (29% ad ahulnaj kolkaści drukavanych adzinak), navučalna-mietadyčnaja (18,2%) i navukovaja dy navukova-papularnaja litaratura (18,2%). Dziciačaja litaratura składaje 9% ad ahulnaj kolkaści vydadzienych knih, litaraturna mastackija vydańni — 7,9%.
Za hod u Biełarusi stała mieniej haziet — minus 5% najmieńniaŭ i minus 10 młn asobnikaŭ pry ahulnym hadavym nakładzie ŭ 445,4 młn asobnikaŭ.
U paraŭnańni z 2013 hodam nakład časopisaŭ i inšych pieryjadyčnych vydańniaŭ pavialičyŭsia na 3,3%. Z 921 časopisa pa-biełarusku było 132 (14%).
Ciapier čytajuć
Hałyhina prymusili apraŭdvacca za zvarot da siłavikoŭ u 2020-m13
Hałyhina prymusili apraŭdvacca za zvarot da siłavikoŭ u 2020-m
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary