Ała Žaleźničenka siońnia atrymała pastanovu Savieckaha sudu Homiela dzie adznačajecca, što rašeńnie ab pryzyvie jaje syna Źmitra ŭ vojska prypynienaje jašče 1 lutaha, ale chłopca da hetaha času nie adpuścili dadomu.
Ała Fiodaraŭna telefanavała ŭ Žłobinskuju vajskovuju častku, dzie słužyć Źmicier, tam pra rašeńnie sudu ničoha nia čuli. U častcy žančynie paviedamili, što nia mohuć vyzvalić chłopca ad vajskovaj słužby, pakul nia budzie adpaviednaha rašeńnia homielskaha vajenkamatu.
Tym časam ŭ vajenkamacie vajenny kamisar Viačasłaŭ Cacaryn skieptyčna pastaviŭsia da rašeńnia suda. «Jon zaznačyŭ, što rašeńnie datujecca 1 lutaha, a pryzyŭ skončyŭsia 31 studzienia, i «ciahnik syšoŭ», - kaža Ała Fiodaraŭna. Jana taksama zaznačyła, što siońnia zrabiła niekalki dziasiatkaŭ telefanavańniaŭ, ale ničoha nie dało plonu.
Na zaŭtra, 9 lutaha, pryznačana prysiaha, i kali Źmicier jaje prymie, sytuacyja z vyzvaleńniem značna ŭskładnicca.
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary