Ала Жалезьнічэнка сёньня атрымала пастанову Савецкага суду Гомеля дзе адзначаецца, што рашэньне аб прызыве яе сына Зьмітра ў войска прыпыненае яшчэ 1 лютага, але хлопца да гэтага часу не адпусьцілі дадому.
Ала Фёдараўна тэлефанавала ў Жлобінскую вайсковую частку, дзе служыць Зьміцер, там пра рашэньне суду нічога ня чулі. У частцы жанчыне паведамілі, што ня могуць вызваліць хлопца ад вайсковай службы, пакуль ня будзе адпаведнага рашэньня гомельскага ваенкамату.
Тым часам ў ваенкамаце ваенны камісар Вячаслаў Цацарын скептычна паставіўся да рашэньня суда. «Ён зазначыў, што рашэньне датуецца 1 лютага, а прызыў скончыўся 31 студзеня, і «цягнік сышоў», - кажа Ала Фёдараўна. Яна таксама зазначыла, што сёньня зрабіла некалькі дзясяткаў тэлефанаваньняў, але нічога не дало плёну.
На заўтра, 9 лютага, прызначана прысяга, і калі Зьміцер яе прыме, сытуацыя з вызваленьнем значна ўскладніцца.
Герой Беларусі Марына Васілеўская нарадзіла дачку ад касманаўта Алега Навіцкага16
Каментары