Jak u ciomnym pakoi: narviežcy zhulali futbolny matč u akularach virtualnaj realnaści
Akulary virtualnaj realnaści kštałtu Oculus Rift nabyvajuć usio bolšuju papularnaść praz efiekt prysutnaści. U takich akularach hulnia ŭ futbolny simulatar moža stać našmat bolš realistyčnaj. Adnak što budzie, kali razdać akulary virtualnaj realnaści hulcam na poli?
Narviežskaje telešoŭ Golden Goal («Załaty hoł») praviało žartaŭlivy matč, u jakim usie ŭdzielniki nadzieli akulary virtualnaj realnaści. Składanaść zaklučałasia ŭ tym, što ŭsie hulcy bačyli siabie tolki praz kamieru nad polem i im daviałosia hulać ź vidam «ad treciaj asoby».
Na videazapisie matča vidać, što hulcam było ciažka dać rady svaim rucham i zrazumieć ułasnuju aryjentacyju ŭ prastory. U cełym hulnia nahadvała pierasoŭvańnie ludziej u ciomnym pakoi: futbalisty pavolna chadzili pa poli z vystaŭlenymi ŭpierad rukami, nie traplali pa miačy, a bramniki prosta zahadździa kłalisia ŭpopierak, kab adbić miač.
Golden Goal nie ŭpieršyniu stavić takija ekśpierymienty nad futbołam. Tak, stvaralniki telešoŭ bili futbalistaŭ elektrašokam, nadziavali na ich nadzimnyja šary, ładzili futbolnyja matčy na schile ci zaprašali na hulniu adrazu try kamandy.
Ciapier čytajuć
Što pościać biełaruskija sielebrycis, jakija apynulisia pad bombami i dronami ŭ krainach Bližniaha Uschodu8
Kamientary