U anhary pry bary «Chulihan» prajšło ŭručeńnie prafiesijnaj muzyčnaj premii Rock Profi pa vynikach 2014 hodu.
Najlepšych u biełaruskaj muzycy vyznačali sami muzyki – u hetym akurat i adroźnieńnie Rock Profi ad inšych isnujučych u Biełarusi muzyčnych premij. Takim čynam, pieramožcami stali:
«Artyst hodu» – Daj darohu!
«Najlepšaja pieśnia» – Lapis Trubiacki «Voiny śvieta»
«Najlepšy albom» – Lavon Volski «Hramadaznaŭstva»
«Debiut hodu» – Tonqixod
«Najlepšy zapis» – PortMone «Thou», hukarežyser Andrej Žukaŭ
Admysłovy pryz – «Za ŭniosak» atrymaŭ hurt N.R.M. z nahody svajho 20-hadovaha jubileju.
Arhanizatary viali pieramovy, kab dziela takoj nahody Volski, Paŭłaŭ, Laŭkoŭ i Dziemidovič vyjšli pa ŭznaharodu razam, ale heta vyjaviłasia niemahčymym. Tym nie mienš Lavon Volski prysutničaŭ na cyrymonii i ŭźniaŭsia na scenu pa svaju asabistuju ŭznaharodu.
Uručeńnie premii supravadžaŭ vydatny kancert. Arhanizatary Rock Profi – studyja «Osmos» i sajtExperty.by. – vyrašyli nie pryviazvacca da śpisu naminantaŭ i zaprasili hurty, adpaviednyja da atmaśfiery mierapryjemstva. Vystupali «Nosorohov & Ko», Nizkiz, «Virus licha» i Harotnica.
Kiraŭnik studyi «Osmos» Pavał Jurcevič zajaviŭ, što maje namier pravodzić Rock Profi i nadalej.
-
«Dačka dabjecca, kab nichto nie zabaraniaŭ śpiavać jaho pieśni». Adzinaja dačka Aleha Moŭčana biezvynikova zmahajecca ź jaho ŭdavoj za «Malitvu»
-
Paśla patryjatyčnaha paryvu biełarusaŭ u fiłarmonii ŭdava kampazitara Moŭčana zabaraniła ŭsim vykonvać «Malitvu» Janki Kupały
-
Pašynian stvaraje muzyčny hurt
Ciapier čytajuć
Džefry Epštejn niekalki razoŭ atrymlivaŭ vizu ŭ Biełaruś. I dakładna naviedvaŭ našuju krainu7
Kamientary