U homielskim bary «Red Pab» naviednikam prapanoŭvajecca kaktejl pad nazvaj «Chałakost». Kaštuje hety napoj ź miksu likioraŭ, sambuki i tekiły kala 120 tysiačaŭ rubloŭ.
Hamialčanka Ksienija Čyndarava była šakavanaja, kali ŭbačyła ŭ karcie ałkaholnych napojaŭ kaktejl «Chałakost».
«Jak takaja nazva mahła niekamu pryjści ŭ hałavu?!». — Aburajecca Ksienija. Dziaŭčyna śćviardžaje, što nikoli b nie pajšła ŭ hetuju kaviarniu, kali b nie intelektualnaje šoŭ dla homielskaj moładzi «Mazhabojnia», jakoje stała ładzicca ŭ pamiaškańniach «Red Paba». Pavodle Ksienii, raniej jana staviłasia da «Red Paba» davoli pryjazna, bo tam adna z najlepšych kuchniaŭ u horadzie i dobraje absłuhoŭvańnie. Adnak paśla hetaha zdareńnia kaviarnia ryzykuje stracić sama mieniej adnu pastajannuju klijentku.
Homielski «Red Pab» — davoli papularnaje siarod haradžanaŭ miesca dla alternatyŭnaha adpačynku. Pieryjadyčna na scenie bara vystupajuć navat niekatoryja biełaruskamoŭnyja hurty. U pačatku krasavika ŭ hetym miescy prachodziła viečaryna pad nazvaj «Russkij duch», padčas jakoj dy-džei apranalisia ŭ rasijskija nacyjanalnyja kaściumy, moładź fatahrafavałasia pobač z hihanckaj matroškaj, naviedniki vypivali harełku i zakusvali salonym hurkom pad huki papsy.
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»1
Kamientary