Niaparnyja šaŭkaprady źniščajuć usiu zielaninu na svaim šlachu: aharody i stohadovyja duby, a sproby sabrać škodnikaŭ skančajucca alerhijaj.
Napačatku ich vyjavili ŭ vioscy Kaniuchi Maładziečanskaha rajona.
U inśpiekcyi pa nasieńniavodstvie, karancinie i achovie raślin Maładziečanskaha rajona miarkujuć, što zmahacca z šaŭkapradam pavinny sami ludzi i pazbavicca ad škodnikaŭ možna tolki chimičnym mietadam.
Jak raspavioŭ staršynia Haradziłaŭskaha sielskaha vykanaŭčaha kamiteta Viktar Stanišeŭski, našeście zakranuła i terytoryju pasiołka Bierazinskaje.
Kab praduchilić niepažadanyja nastupstvy, kiraŭnictva nasielenaha punkta, jaki znachodzicca pablizu vioski ačaha našeścia (vioski Kaniuchi), vyklikała śpiecyjalistaŭ.
«Pakul u nas začapiła tolki samy pačatak pasiołka. Ale kali vusienia nie spynić, chto viedaje, što budzie. A ŭ nas pładovyja drevy, klany, duby viekavyja. Tamu nie viedaju, što robiać našy susiedzi (Pałačanski sielvykankam), ale my źviarnulisia ŭ stancyju achovy raślin i čakajem zaŭtra ich śpiecyjalista. Kali jon vyznačyć maštaby našeścia i vid vusieniaŭ, budziem dumać, što rabić», — padzialiŭsia staršynia sielvykankama.
Pa słovach Viktara Stanišeŭskaha, jašče letaś da jaho źviartalisia niekalki žycharoŭ z alerhijaj, na harodach jakich pasialiŭsia vusień šaŭkaprada. Tady ekśpierty, jakich vyklikali ŭ pasiołak, dali rekamiendacyju žycharam Bierazinskaha: nie čapać vusieniaŭ rukami.
— Reč u tym, — adznačaje staršynia sielvykankama, — što heta ŭžo druhaja ciopłaja zima i jany prosta nie zamiarzajuć. Voś u hetym hodzie jana znoŭ dała patomstva.
Na pamiaci staršyni Haradziłaŭskaha sielvykankama ničoha takoha ŭ ich jašče nie było.
A načalnik inśpiekcyi pa nasieńniavodstvie, karancinie i achovie raślin Maładziečanskaha rajona Dzianis Bałdoŭski miarkuje, što ŭ vioscy Kaniuchi vusieni raspładzilisia ŭ takoj kolkaści pa vinie samich uładalnikaŭ sadoŭ i aharodaŭ.
«Žychary vioski nie źniščyli pavucinistyja kokany vosieńniu, što i pryviało da masavaha razmnažeńnia, i jak vynik — źniščeńnia dreŭ i inšaj raślinnaści», — padkreśliŭ śpiecyjalist.
Pavodle słoŭ śpiecyjalista, taki vypadak byŭ i ŭ Pałačanskim sielsaviecie. Ź minułaha hoda vusieni «pierazimavali», a potym raspładzilisia na drevie i źjeli ŭvieś sad.
— Što tyčycca baraćby z vusieniem, to ŭ Maładziečanskim rajonie niama kankretnaj arhanizacyi, śpiecyjalisty jakoj pryjeduć i źniščać škodnikaŭ.
Inśpiekcyja taksama nie moža dać žycharam vioski materyjalnyja resursy — preparaty, techniku. Naš abaviazak — dapamahać tolki infarmacyjna: u vypadku zvarotu prakansultavać i raskazać, jakija preparaty vykarystoŭvać, u jakich dozach. Taksama my pracujem i ź sielhaspradpryjemstvami, akazvajučy im infarmacyjnuju dapamohu. Usie preparaty ŭ baraćbie z škodnikami sielhaspradpryjemstvy kuplajuć za ŭłasnyja srodki, — adznačyŭ śpiecyjalist.
Zmahacca z škodnikami pavinny sami ludzi, adznačyŭ Dzianis Bałdoŭski. Zaraz žychary vioski Kaniuchi mohuć pazbavicca ad vusieniaŭ tolki chimičnym mietadam.
— Kali vykonvać techniku biaśpieki i stroha prytrymlivacca rehłamientu vykarystańnia preparataŭ, chimikaty nie pryčyniać zdaroŭju nijakaj škody. My raskažam ludziam, jak pravilna i jakimi preparatami apracoŭvać drevy i raślinnaść, — adznačyŭ Dzianis Bałdoŭski.
Niaparny šaŭkaprad — heta nie pryšły monstr, a zvykły dla Biełarusi vid. Nie treba jaho błytać z tutavym šaŭkapradam, jaki razvodziać dla vyrabu šoŭku. Ale kali raniej niaparny šaŭkaprad sustrakaŭsia najbolš na poŭdni i łakalna, to ciapier mihravaŭ i staŭ imkliva razmnažacca. Pryčyna hetaha sioleta — ciopłyja, suchija zima i viasna hetaha hoda. Spynić raspaŭsiud jaho moža daždžystaje nadvorje, jakoje zaminaje paravańniu matylkoŭ šaŭkapradaŭ i pryvodzić da adkładańnia nieapłodnienych jajek.
Navukoŭcy zafiksavali, što, kali ŭ navakolli niama ŭlubionych duboŭ, lipaŭ, ślivaŭ, šaŭkaprady hryzuć navat maładyja dreŭcy chvajovych parod. Sapraŭdnaja źježa!
Ciapier čytajuć
Ryta Dakota nabyła dom za niekalki miljonaŭ dalaraŭ kala Halivuda15
Ryta Dakota nabyła dom za niekalki miljonaŭ dalaraŭ kala Halivuda
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1515
Kamientary