Нейронныя сеткі напісалі фантастычныя карціны ФОТА
Група даследчыкаў Google распавяла аб навучанні штучных нейронных сетак маляванню карцін. Нейронныя сеткі могуць як стварыць карціну з простага шуму, так і апрацаваць творы людзей.
Нейронная сетка працуе ў дзясятак пластоў: адзін можа адшукаць на выяве вуглы, іншы — краі, наступны — сабраць дэталі выявы з аб’ектаў накшталт будынка, дрэва ці галавы жывёлы.
Нейронную сетку можна папрасіць знайсці ў шуме пэўныя аб’екты альбо маляваць аб’екты, якім папярэдне навучылі сетку па аналізе тысяч выяваў. Альбо проста задаць адвольнае паляпшэнне выявы.
Напрыклад, з маляваннем гантэлі нейронная сетка не справілася — пэўна, на ўсіх фота, што ёй паказвалі, гантэль трымалі ў руцэ, таму яна намагалася дамаляваць да гантэлі руку. Але справілася з пошукам розных аб’ектаў у аблоках ці ператварэннем дрэў у будынкі, а лістоты ў птушак.
Карціны можна прапускаць праз алгарытм паляпшэння зноў і зноў. Галерэя работ нейроннай сеткі тут.
Цяпер чытаюць
Даішнік, якога збіў машынай пенсіянер пад Мінскам, памёр у бальніцы. Яму зладзілі пышнае пахаванне18
Каментары