BCHD farmiruje inicyjatyŭnuju hrupu ŭ internecie pa vyłučeńni Statkieviča

Arhkamitet pa stvareńni partyi «Biełaruskaja chryścijanskaja demakratyja» pačała praź internet farmiravać inicyjatyŭnuju hrupu pa vyłučeńni kandydatam u prezidenty palitźniavolenaha Mikałaja Statkieviča, paviedamili ŭ pres-słužbie BCHD.

Chryścijanskija demakraty prapanoŭvajuć pakidać svaje kantaktnyja danyja ŭ pietycyi, śpiecyjalna stvoranaj na internet-płatformie pa zbory podpisaŭ change.org. Asoby, jakija padpisalisia pad hetym elektronnym dakumientam, buduć uklučanyja ŭ inicyjatyŭnuju hrupu Statkieviča. Adnačasova hetaja ž pietycyja zaklikaje biełaruskija ŭłady vyzvalić palityčnych źniavolenych, siarod jakich akramia Statkieviča zhadvajucca Jaŭhien Vaśkovič, Ihar Alinievič, Mikałaj Dziadok, Arciom Prakapienka i Juryj Rubcoŭ. 

«Biez vyzvaleńnia i poŭnaha adnaŭleńnia ŭ pravach usich palityčnych źniavolenych nijakija vybary ŭ Biełarusi nie mohuć ličycca svabodnymi i spraviadlivymi», — adznačyli ŭ pres-słužbie BCHD. 

U kancy maja pra pačatak farmiravańnia inicyjatyŭnaj hrupy pa vyłučeńni Mikałaja Statkieviča, jaki adbyvaje termin źniavoleńnia ŭ mahiloŭskaj turmie № 4, BiełaPAN paviedamiŭ adzin z kiraŭnikoŭ arhkamiteta stvaranaj Biełaruskaj sacyjał-demakratyčnaj partyi (Narodnaja Hramada) Siarhiej Skrabiec. 

Tym časam u Centrvybarkamie zajaŭlajuć pra niemahčymaść rehistracyi inicyjatyŭnaj hrupy Mikałaja Statkieviča. «Mahu skazać adnaznačna, što jana zarehistravanaja nie budzie, bo Statkievič nie moža stać kandydatam u prezidenty, — zajaŭlaŭ raniej BiełaPAN sakratar CVK Mikałaj Łazavik. — Rehistravać tolki dla taho, kab ažyćciavić akt, jaki nie maje jurydyčnaj siły, Centralnaja kamisija nie moža». 

Łazavik tady ž adznačaŭ, što pry rehistracyi inicyjatyŭnaj hrupy ŭ pieršuju čarhu razhladajecca, kaho jana budzie vyłučać, ci moža hety čałaviek być kandydatam. «U adpaviednaści ź dziejnym zakanadaŭstvam Mikałaj Statkievič nie moža być kandydatam u prezidenty, bo ŭ jaho niepahašanaja sudzimaść», — rastłumačyŭ sakratar CVK. 

Eks-kandydat u prezidenty Biełarusi Mikałaj Statkievič byŭ asudžany ŭ mai 2011 hoda na šeść hadoŭ pazbaŭleńnia voli ŭ kałonii ŭzmocnienaha režymu. Mižnarodnyja arhanizacyi pryznali jaho palityčnym źniavolenym. Statkieviča dvojčy pieravodzili sa škłoŭskaj kałonii ŭ mahiloŭskuju turmu: pieršy raz — u pačatku 2012 hoda, druhi — u mai hetaha. Abodva razy ŭ jakaści pryčyny ŭzmacnieńnia žorstkaści režymu nazyvałasia parušeńnie Statkievičam režymu kałonii. Pavodle rašeńnia apošniaha suda ŭ turmie palityk budzie znachodzicca da zaviaršeńnia terminu pakarańnia, jaki minaje ŭ śniežni 2016 hoda. 

Mižnarodnyja pravaabarončyja arhanizacyi, ES i ZŠA nieadnarazova zaklikali ŭłady Biełarusi vyzvalić Mikałaja Statkieviča.

• 0
• 0
• 0
• 0
• 0
• 0
• 0
• 0