U Rasii zatrymali francuzskaha viełasipiedysta. Jon chacieŭ pabić suśvietny rekord, prajechaŭšy ad Lisabona da Uładzivastoka
Va Uładzivastoku zatrymali francuzskaha spartoŭca Safijana Siechili, jaki sprabavaŭ ustalavać suśvietny rekord pa pierasiačeńni Jeŭrazii na rovary, piša «Novaja hazieta. Jeŭropa» sa spasyłkaj na Le Monde.
U lipieni Siechili pačaŭ maršrut u Lisabonie. Jon prajechaŭ Tadžykistan, Manholiju, Kitaj i płanavaŭ zaviaršyć šlach u rasijskim Uładzivastoku. Adnak 2 vieraśnia jon raspavioŭ u «storys», što jaho spynili mytniki na rasijska-kitajskaj miažy.
«Pravał, jaki adbyŭsia tak blizka da mety, — heta sumna. Ciapier u mianie jość dziesiać miesiacaŭ, kab vyrašyć, ci chaču ja znoŭ pabić hety rekord… ci jon nazaŭsiody zastaniecca niaŭdačaj», — napisaŭ jon.
Pavodle Le Monde, 44-hadovy francuz Safijan Siechili zatrymany pa abvinavačvańni ŭ niezakonnym pierasiačeńni miažy. Vydańnie L'Equipe piša, što viełasipiedyst dvojčy sprabavaŭ ujechać na terytoryju Rasii praź dźvie miažy, raźmieščanyja na adlehłaści 200 kiłamietraŭ adna ad adnoj. Rehijanalnyja MUS i adździaleńni Śledčaha kamiteta pakul nie paviedamlali pra zatrymańnie. Francuzskaje konsulstva akazvaje mužčynu padtrymku.
Na svajoj staroncy ŭ instahramie Siechili raspaviadaŭ padrabiaznaści svajho padarožža. Apošniaje videa jon vykłaŭ 1 vieraśnia — na toj momant viełasipiedyst znachodziŭsia ŭ 400 km ad Uładzivastoka i raźličvaŭ apynucca tam užo na nastupny dzień. Usiaho Siechili prajechaŭ bolš za 17 600 km.
Safijan Siechili ŭ 2011 hodzie pakinuŭ karjeru dakumientalista i zachapiŭsia viełasportam. Jon udzielničaŭ pryblizna ŭ dvaccaci bujnych honkach i staŭ pieramožcam adzinaccaci ź ich, pačynajučy z Tour Divide — honki praciahłaściu 4500 kiłamietraŭ ad Kanady da miažy ź Mieksikaj.
Siechili sprabavaŭ pabić rekord pierasiačeńnia Jeŭrazii. U 2017 hodzie jaho ŭstanaviŭ niemiec Jonas Dejchman, jaki prajechaŭ 14 331 km za 64 dni. «Heta było samaje składanaje, što ja kali-niebudź rabiŭ», — uspaminaje jon.
Kamientary
>tak blizka da mety, — heta dušarazryŭna ---- ?!!!!!!!!!
tak blizka da CELI, — heta ŽACHLIVA
dušierazdirajuŝij
(o krikie ) niemy (užasajuŝij) žachlivy, strašenny
dušierazdirajuŝaja ściena — žachlivaja (strašennaja) scena
>raspavioŭ u «storys», ---- Ja NIE RAZUMIEJU, ŠTO JON ZRABIŬ