Vakalist Linkin Park spałučyŭ śfieryčnaje videa i tajmłaps u novym klipie
Śfieryčnymi klipami i tajmłapsami paasobku ŭžo nie ździviš — ale tvor Fort Minor pa-novamu skarystaŭsia 360-hradusnymi panaramami na Youtube.
U adroźnieńnie ad raniejšych videa (hladzicie top-5 śfieryčnych videa tut), klip na pieśniu «Welcome» daje karcinku nie z adnoha rakursu, a z roznych. Kamiera pakazvaje muzykaŭ, hrafici-mastakoŭ, fanataŭ, minakoŭ z roznych rakursaŭ, jak u zvyčajnych klipach, ale ŭ luby momant hladač moža «azirnucca». Užyvajecca i technika tajmłapsu — paskoranaj pakadravaj zdymki.
***
Fort Minor — stvorany ŭ 2004 hodzie solny prajekt adnoha z vakalistaŭ Linkin Park Majka Šynody supolna z udzielnikami hurtu Styles of Beyond i inšymi muzykami. Na momant publikacyi vydaŭ adzin albom «The Rising Tied» i try samotniki. Prajekt byŭ zamarožany ŭ 2006 hodzie, ale ŭ 2012 hodzie Šynoda zajaviŭ ab mahčymym viartańni Fort Minor pa zaviaršeńni pracy nad albomam Linkin Park «The Hunting Party».
Hurt Linkin Park daść kancert na «Minsk-Arenie» 27 žniŭnia ŭ miežach turu ŭ padtrymku «The Hunting Party».
Hladzicie taksama: «Harady-pryvidy»: na Youtube źjaviłasia pieršaje 8K-videa
Što aznačaje zahadkavy kod R99 u pryčynach śmierci Uładzimira Makieja i Vitolda Ašurka?5
Kamientary