Rasijskija siły adstupili z pasiołka Šyrokina pad Maryupalem. Pra heta siońnia paviedamiŭ śpikier Administracyi Prezidenta Ukrainy pa pytańniach antyterarystyčnaj apieracyi Alaksandr Matuzianik.
Šyrokina było zachoplena rasijskimi siłami ŭ žniŭni 2014 hoda. U lutym ukrainskija siłaviki adbili pasiołak, ź jakoha bajeviki mahli abstrelvać 600-tysiačny Maryupal ź minamiotaŭ. U červieni 2015-ha ruskija sprabavali adbić Šyrokina nazad. U vyniku ŭ bajach z abodvuch bakoŭ zahinuła niekalki dziasiatkaŭ čałaviek.
1 lipienia kiraŭniki tak zvanaj «DNR» abvieścili Šyrokina demilitaryzavanaj zonaj. «U jakaści akta dobraj voli i demanstracyi mirnych namieraŭ kiraŭnictvam Danieckaj narodnaj respubliki pryniata rašeńnie ŭ adnabakovym paradku ličyć nasieleny punkt Šyrokina demilitaryzavanaj zonaj. Uzbrojenym siłam DNR addadzienyja ŭkazańni nie pačynać navat ahoń u adkaz na dadzienym kirunku», — zajaviŭ namieśnik staršyni «narodnaj rady DNR» Dzianis Pušylin.
U pačatku červienia taksama pravaliłasia sproba zachopu haradka Marjinka na zachad ad Daniecka.
Apošnim vialikim pośpiecham rasijskich vojskaŭ zastajecca zachop Debalcava u lutym 2015 hoda.
U bajach pad Šyrokinam brali ŭdzieł i biełaruskija dobraachvotniki, jakija baroniać niezaležnaść i terytaryjalnuju cełasnaść Ukrainy ŭ składzie bataljona «Azoŭ».
-
«Kamuści tut treba dać try aplavuchi». Fica vykazaŭsia pra padletka, jaki nie pacisnuŭ ruku prezidentu Słavakii
-
Patrušaŭ zajaviŭ, što Ukraina i Małdova mohuć «spynić isnavańnie», a pieramovy pa Ukrainie pavinny vieścisia z ZŠA bieź ES
-
Pryncesa Uelskaja Ketryn paviedamiła, što ŭ jaje pačałasia remisija
Hetaja dziaŭčyna vyjšła ŭ centry Hrodna z płakatam «Nie vajnie». Jana raskazała, što pieražyła paśla6
Kamientary