Hałasavańnie ŭ Radzie Biaśpieki AAN pa prajekcie rezalucyi ab stvareńni trybunała pa avijakatastrofie «Boinha» pad Danieckam pryznačana na 29 lipienia, paviedamlajuć suśvietnyja infarmacyjnyja ahienctvy sa spasyłkaj na pastajannaje pradstaŭnictva Novaj Ziełandyi pry AAN.
Prajekt rezalucyi, prapanavanaj Małajzijaj i padtrymanaj Niderłandami, Bielhijaj, Aŭstralijaj i Ukrainaj, budzie razhledžany na nastupnym tydni ŭ sieradu ŭ druhoj pałovie dnia.
Raniej rasijskija ŭłady raskrytykavali namier zasnavać trybunał pa rasśledavańni abstavinaŭ krušeńnia «Boinha». U razmovie z premjer-ministram Niderłandaŭ Markam Rute 16 lipienia prezident Rasii Uładzimir Pucin nazvaŭ takija prapanovy zaŭčasnymi i kontrpraduktyŭnymi.
Rasija jak pastajanny člen Rady Biaśpieki AAN maje prava vieta na lubyja rašeńni ŭ ramkach orhana.
Samalot Boeing 777 avijakampanii Malaysia Airlines, jaki ruchaŭsia rejsam MH17 z Amsterdama ŭ Kuała-Łumpur, raźbiŭsia ŭ Danieckaj vobłaści Ukrainy 17 lipienia minułaha hoda. Zahinuli ŭsie, chto byŭ na borcie, — 298 čałaviek.
Kamientary