«Daskanałyja biełaruskija tvary» pakažuć u Biełarusi i Jeŭropie
«Začaravańnie» Ireny Hudyjeŭskaj miesiac pahaścić u Nacyjanalnym histaryčnym muziei, adtul pajedzie vandravać.
Biełaruskaja fatohraf Irena Hudyjeŭskaja pakaža ŭ Nacyjanalnym histaryčnym muziei z 13 žniŭnia pa 13 vieraśnia vystavu zdymkaŭ «Začaravanyja», piša TUT.BY. Vystava maje supravadžacca majstar-kłasami i vystupami viadomych biełarusaŭ. Na adkryćci vystupić Valeryj Dajneka, a dyzajnier Juryj Kot pakaža admysłova pašytuju kalekcyju adzieńnia.
Fatohraf abiacaje pakazać «tvar Biełarusi» — nie tolki ŭłasna tvary ludziej, ale i «nacyjanalnyja emocyi» dy biełaruskaja pryroda. Ahułam heta składajecca ŭ «niesuvymiernaje bahaćcie», ličyć jana.
«Pamataŭšysia pa śviecie i pabyvaŭšy ŭ mnohich krainach, ja źviarnuła ŭvahu, što ŭ śviecie adbyłosia takoje źmiešvańnie nacyjanalnaściej, što stała ciažka adroźnivać ludziej. Usie navat chodziać u adnolkavaj vopratcy, — raspaviadaje aŭtar. — Tady ja vyrašyła stvaryć fotaprajekt, u jakim pasprabavała zachavać našy nacyjanalnyja asoby i emocyi.
Rabota nad prajektam doŭžyłasia piać hod. Zdymki prachodzili ŭ Nalibockaj i Biełaviežskaj puščach, a fotamadelam davodziłasia basanož chadzić pa šerani dy lažać na lodzie. Ni jakoha mejk-apu, nijakoha «fatašopu».
Paśla minskaha Histaryčnaha muzieja vystava vypravicca ŭ padarožža: z Prybałtyki ŭ Polšču, adtul u Francyju, a zatym i ŭ Braziliju, i Kitaj. Pa słovach fatohrafa, pryhožymi zdymkami možna pryvabić turystaŭ, jakija zachočuć pabačyć miaściny z fota nažyvuju: maŭlaŭ, mnohija krainy tak robiać i heta vydatna pracuje.
Kamientary