Novaaabarany prezydent Polščy ŭ prysutnaści deputataŭ Siejma i Sienata Polščy pryniaŭ prezydenckuju prysiahu.
U svajoj pieršaj pramovie ŭ jakaści kiraŭnika dziaržavy jon nahadaŭ, što nie zabudzie pra svaje pieradvybarčyja abiacańni.
Vystupajučy pierad Nacyjanalnym schodam Duda padkreśliŭ, što jaho hałoŭnaja zadača — nakiravać parłamientaram dva zakonaprajekty: ab pavieličeńni svabodnaj ad padatku sumy dachodaŭ i źmianšeńnie piensijnaha ŭzrostu.
Zakranajučy pytańnie zamiežnaj palityki Duda zajaviŭ, što revalucyi ŭ hetaj halinie nie budzie. Prezident choča aktyvizavać udzieł Polščy na mižnarodnaj arenie. Asablivuju ŭvahu Andžej Duda źbirajecca nadać militarnaj mocy Polščy: «Hałoŭnaje — heta budaŭnictva mocnaj i sučasnaj polskaj armii. Heta vielmi važnaja zadača na bližejšyja hady. Heta asnoŭnaja harantyja niezaležnaści, suvierenitetu i biaśpieki hramadzian».
Paśla ŭračystaści pryniaćcia prysiahi prezidenckaja para sustrełasia z Annaj i Branisłavam Kamaroŭskimi.
Na cyrymonii prysutničała kala 600 haściej, u pryvatnaści, byłyja premjer-ministry Polščy Ježy Buzek, Jan Kšyštaf Bialecki i Kazimiež Marcinkievič, a taksama byłyja prezidenty krainy Lech Valensa i Alaksandr Kvaśnieŭski.
Duda, vyłučeniec apazicyjnaj partyi «Prava j spraviadlivaść», atrymaŭ pieramohu ŭ druhim tury prezidenckich vybaraŭ, jaki adbyŭsia 24 maja. Jon nabraŭ 51,55% hałasoŭ, u toj čas jak jaho sapiernik — raniejšy prezident krainy Branisłaŭ Kamaroŭski — zaručyŭsia padtrymkaj 48,45% vybarščykaŭ.
Kamientary