Новааабараны прэзыдэнт Польшчы ў прысутнасьці дэпутатаў Сейма і Сената Польшчы прыняў прэзыдэнцкую прысягу.
У сваёй першай прамове ў якасці кіраўніка дзяржавы ён нагадаў, што не забудзе пра свае перадвыбарчыя абяцанні.
Выступаючы перад Нацыянальным сходам Дуда падкрэсліў, што яго галоўная задача — накіраваць парламентарам два законапраекты: аб павелічэнні свабоднай ад падатку сумы даходаў і змяншэнне пенсійнага ўзросту.
Закранаючы пытанне замежнай палітыкі Дуда заявіў, што рэвалюцыі ў гэтай галіне не будзе. Прэзідэнт хоча актывізаваць удзел Польшчы на міжнароднай арэне. Асаблівую ўвагу Анджэй Дуда збіраецца надаць мілітарнай моцы Польшчы: «Галоўнае — гэта будаўніцтва моцнай і сучаснай польскай арміі. Гэта вельмі важная задача на бліжэйшыя гады. Гэта асноўная гарантыя незалежнасці, суверэнітэту і бяспекі грамадзян».
Пасля ўрачыстасці прыняцця прысягі прэзідэнцкая пара сустрэлася з Аннай і Браніславам Камароўскімі.
На цырымоніі прысутнічала каля 600 гасцей, у прыватнасці, былыя прэм'ер-міністры Польшчы Ежы Бузэк, Ян Кшыштаф Бялецкі і Казімеж Марцінкевіч, а таксама былыя прэзідэнты краіны Лех Валенса і Аляксандр Квасьнеўскі.
Дуда, вылучэнец апазіцыйнай партыі «Права й справядлівасць», атрымаў перамогу ў другім туры прэзідэнцкіх выбараў, які адбыўся 24 мая. Ён набраў 51,55% галасоў, у той час як яго сапернік — ранейшы прэзідэнт краіны Браніслаў Камароўскі — заручыўся падтрымкай 48,45% выбаршчыкаў.
Анджэй Дуда выступіў за стварэнне Балта-Чарнаморска-Адрыятычнага блока дзяржаў
Цяпер чытаюць
Заснавальнік дабрачынных фондаў для дапамогі дзецям Лысянкоў дабегаўся — яго затрымаў ДФР5
Каментары