Jak raspavioŭ apieratyŭny supracoŭnik ABEZ Horackaha RAUS, u milicyju patelefanavaŭ namieśnik kiraŭnika adnoj z haspadarak rajona i paviedamiŭ, što na vyjeździe z pola zatrymaŭ mužčynu na «ZIŁie» sa zbožžam azimaj pšanicy ŭ kuzavie, paviedamlaje pres-słužba mahiloŭskaj abłasnoj milicyi.
Supracoŭniki adździaleńnia pa baraćbie z ekanamičnymi złačynstvami i ŭčastkovy inśpiektar milicyi Horackaha RAUS vyśvietlili, što pradprymalny kambajnier prapanavaŭ adnaviaskoŭcu ziernie azimaj pšanicy novaha ŭradžaju. Znajomamu skazaŭ, što vypisaŭ jaho ŭ košt zarobkaŭ dla patreb ułasnaj dapamožnaj haspadarki. Vyvieźci ziernie prapanavaŭ samastojna.
Siarod biełaha dnia viaskoviec padjechaŭ na pole na hruzavym aŭtamabili. Kambajnier zbožžaŭboračnaha kambajna vysypaŭ z bunkiera ŭ kuzaŭ mašyny 7,5 ton zbožža.
Na vyjeździe z pola «ZIŁ» byŭ zatrymany razam z pšanicaj na sumu 16,5 młn rubloŭ.
U dačynieńni da 24-hadovaha kambajniera zaviedziena kryminalnaja sprava pa art. 205 č. 1 K. Viadziecca śledstva. Za kradziež zbožža mužčynu pahražaje kryminalnaja adkaznaść až da pazbaŭleńnia voli na termin da 3-ch hadoŭ.
Kamientary