Prajekt, jaki startavaŭ jašče ŭ 2019 hodzie, akazaŭsia takim paśpiachovym, što jaho maštaby tolki pašyrajucca.
U haradach Bavaryi vykarystoŭvajuć ahurkovy rasoł dla baraćby z hałalodam. Piłotny prajekt zapuścili jašče ŭ 2019 hodzie, i jon akazaŭsia vyhadnym dla ŭsich — u pieršyja hady rasołu chapała na apracoŭku prykładna 1500 km daroh, što zekanomiła prykładna 700 kh darožnaj soli, piša DW.
Pastaŭščykom dla miascovych kamunalnikaŭ staŭ zavod vytvorčaści marynavanaj harodniny pad Miunchienam. Padčas kansiervavańnia ahurki na čas apuskajuć u rasoł — paśla hetaha jaho ŭtylizujuć. Na zavodzie zadumalisia, jak možna vykarystoŭvać ahuročny rasoł paŭtorna.
Sumiesnyja ź Mintransam Bavaryi vyprabavańni pakazali, što rasoł vydatna spraŭlajecca ź lodam, kali pavialičyć kancentracyju soli.
Zaraz z 1000 ton rasołu atrymlivajecca kala 1100 ton antyabledzianialnika. Jon dziejničaje pry tempieraturach da -18°C.
U 2024 hodzie da prajekta dałučyŭsia i aeraport Miunchiena. Rasołam apracoŭvajuć pierony i darožki kala aeradroma. Dla ŭźlotna-pasadačnych pałos jaho vykarystoŭvać nielha, bo sol nie moža kantaktavać z samalotami i abstalavańniem.
Ciapier čytajuć
Na Šry-Łancy ŭ 37 hadoŭ pamior biełaruski kinapradziusar Andrej Matałyha3
Kamientary