U Mahilovie adbyłosia šeście da miesca masavych represij 1930‑ch — ź ikonaj rasijskaha cara i impierskim trykałoram
Va ŭčorašniaj akcyi ŭziali ŭdzieł kala 150 čałaviek — aktyvisty prychodu pravasłaŭnaha chrama Carskich mučanikaŭ, navamučanikaŭ i vyznaŭcaŭ XX stahodździa RPC, jakija ŭšanoŭvajuć siamju apošniaha rasijskaha impieratara Mikałaja II.
Milicyja praviadzieńniu akcyi ŭ honar Saboru navamučanikaŭ carkvy ruskaj nie pieraškadžała, piša Mayday.team.
Paśla liturhii ŭ pamiać siamiejnikaŭ Mikałaja II, rasstralanych balšavikami paśla adračeńnia cara ad tronu pa darozie z Mahilova ŭ Sankt-Pieciarburh, kałona vyjšła z parku Horkaha ŭ centry horada i, niahledziačy na davoli mocny maroz, maršam prajšła praz uvieś horad. Padčas šeścia ŭdzielniki śpiavali chryścijanskija himny.
Udzielniki akcyi nieśli niekalki ikon z vyjavaj cara i jaho siamji. Siarod pravasłaŭnaj simvoliki byŭ zaŭvažany rasijski impierski čorna-žoŭta-bieły ściah z dvuchhałovym arłom.
Na miescy masavych rasstrełaŭ kala karjera pablizu prypynku «Miasakambinat» na praśpiekcie Dzimitrava adbyłosia jašče adno karotkaje bohasłužeńnie za spačyn. Pieršymi palityčnymi achviarami na hetym miescy stali pravasłaŭny śviatar i niekalki katalickich śviataroŭ.
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza15
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary