Uviečary 9 lutaha ŭ Minsku aficyjna adkryvajecca restaran «Sarenta», paviedamiŭ błohier «Mierzkij Kokobaj».
Novy italjanski restaran raźmiaściŭsia ŭ levym kryle biznes-centra «Dana Kepitał» na vulicy Internacyjanalnaj. Jaho adkryćcio płanavali jašče da kanca 2025 hoda.
«Sarenta» — heta sumiesny prajekt rasijskaj kampanii Novikov Group & Family Garden, jakaja zapuskaje ŭ Minsku adrazu niekalki restarannych franšyz, piša Office Life. Kancepcyja ŭstanovy — kłasičnaja italjanskaja kuchnia ź mieniu, natchnionym padarožžam pa mižziemnamorskim uźbiarežžy, i atmaśfieraj siamiejnaha restarana.
Pavodle mieniu, siaredni košt stravy składaje kala 40 rubloŭ, a miasnyja i rybnyja stravy, jak i morapradukty, abyducca prykładna ŭ 50 rubloŭ.
Jak paviedamlajecca, 9 lutaha restaran pačnie pracu z 18:00, a z 10 lutaha budzie pracavać u zvyčajnym režymie.
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza19
Kamientary