Biełaruś usio ž vypuściła za miažu eks-partniora rasijskaha miljardera Procharava
Rasijski biznesmen Maksim Finski, jaki abvinavačvajecca ŭ Rasii ŭ machlarstvie, u kancy maja byŭ zatrymany ŭ minskim aeraporcie pry sprobie vylecieć u Niamieččynu. Adnak u pravaachoŭnych orhanach Biełarusi admovilisia paćviardžać hetuju infarmacyju, i z taho času los eks-partniora aliharcha Michaiła Procharava zastavałasia nieviadomym. I voś praz 2,5 miesiaca Finski abjaviŭsia.
Niadaŭna Maksim Finski naniaŭ mižnarodnych advakataŭ dla abarony pa kryminalnaj spravie, zaviedzienaj suprać jaho ŭ Rasii. Pra heta paviedamiła ŭ pres-relizie jurydyčnaja firma Amsterdam & Partners, jakaja reprezientuje intaresy Finskaha. Starejšy partnior Amsterdam & Partners Robiert Amsterdam (abaraniaŭ, u pryvatnaści, byłoha kiraŭnika JUKASa Michaiła Chadarkoŭskaha) udakładniŭ RBK, što advakaty Finskaha rychtujuć «na Zachadzie» sudovy pazoŭ suprać šerahu rasijskich asob, u tym liku niejkaha vysokapastaŭlenaha palityka. Amsterdam admoviŭsia nazvać krainu, dzie budzie padadzieny pazoŭ, i nie raskryŭ imia palityka.
Finski ciapier znachodzicca ŭ biaśpiečnym miescy, zapeŭniŭ Bi-bi-si jaho advakat.
Sa słovaŭ Amsterdama, jaho klijent ciapier znachodzicca na voli — ułady Biełarusi adpuścili jaho, pryznaŭšy, što dla zatrymańnia nie było padstaŭ. Biźniesmien znachodzicca za miežami Rasii i Biełarusi, jaho miescaznachodžańnie advakat nie raskryvaje.
Što aznačaje zahadkavy kod R99 u pryčynach śmierci Uładzimira Makieja i Vitolda Ašurka?5
Kamientary