Aktyvistka kampanii «Havary praŭdu» Taćciana Karatkievič, jakaja pretenduje na pasadu kiraŭnika dziaržavy, 28 žniŭnia naviedała Muziej sučasnaj biełaruskaj dziaržaŭnaści.
«Było cikava naviedać muziej, my daŭno chacieli siudy trapić, pahladzieć, što tut pradstaŭlena, — paviedamiła jana BiełaPAN. — Ekspanaty muzieja, na žal, abmiežavanyja pieryjadam z 1991 hoda, chacia varta było b pakazać historyju niezaležnaści za bolš praciahły pieryjad».
Pavodle słoŭ Karatkievič, u pieršaj zale muzieja, dzie pradstaŭleny simvały dziaržaŭnaści, nie chapaje hierba «Pahonia» i bieł-čyrvona-biełaha ściaha, jakija byli dziaržaŭnymi na praciahu piaci hadoŭ z 1991-ha pa 1996-ty hod. «Vyniki refierendumu 1996 hoda [refierendum ab źmienie simvoliki prajšoŭ u mai 1995-ha — NN] staviacca pad sumnieńnie. Kali źmienicca ŭłada, liču, treba budzie pierahledzieć ich i pryniać adpaviednaje rašeńnie», — adznačyła jana.
Sama Karatkievič vystupaje za toje, kab «dziaržaŭnaj simvolikaj byŭ bieł-čyrvona-bieły ściah, adnak siońnia varta dabicca taho, kab jon byŭ pryznany historyka-kulturnaj kaštoŭnaściu, jak i hierb «Pahonia».
Taksama Karatkievič ličyć, što ŭ muziei «nie chapaje ludziej». «Jość uznaharody, dakumienty, ale nie chapaje ludziej. A kraina ž i jaje niezaležnaść heta ludzi, jakija adstojvali hetuju niezaležnaść, jakija źjaŭlajucca pradstaŭnikami krainy. Naprykład, jość hramata, što ŭ nas jość žančyna-akademik, ale niama ni jaje fotazdymku, ni infarmacyi, za što jana atrymała hramatu. Chaciełasia b, kab my viedali svaich hierojaŭ u roznych halinach, kab hetyja ludzi byli adlustravany ŭ muziei», — skazała jana.
Muziej sučasnaj biełaruskaj dziaržaŭnaści adkryŭsia 22 červienia 2012 hoda. Jon raźmiaščajecca ŭ budynku Administracyi prezidenta, trapić u jaho možna tolki pa papiarednim zapisie.
Maładuju supracoŭnicu «Pielenha» aryštavali za «zakliki da naniasieńnia škody Biełarusi». Joj pahražaje da 12 hadoŭ3
Kamientary