Pad Ivacevičami raźbiŭsia hramadski aktyvist Uładzimir Kiškurna, stan stabilna ciažki

Fota z fejsbuka Franciška Viačorki.
Učora ŭdzień u Ivacevickim rajonie ŭ avaryju trapiŭ hramadski aktyvist Uładzimir Kiškurna. Jak paviedamiŭ «Našaj Nivie» režysior Valeryj Mazynski, Uładzimir Kiškurna nakiroŭvaŭsia ź Minska na adpačynak u adzin z sanatoryjaŭ Bresckaj vobłaści.
Zdareńnie adbyłosia na trasie M-1 pobač ź vioskaj Niachačava. «Nisan», jakim kiravaŭ Kiškurna, sutyknuŭsia z MAZam. U vyniku kiroŭca lehkavika byŭ zacisnuty ŭ sałonie aŭtamabila. Jak paviedamlaje sajt MNS, ratavalniki pry dapamozie hidraŭličnaha instrumienta, kiroŭca byŭ debłakavany.

Ciapier Uładzimir Kiškurna znachodzicca ŭ Ivacevickaj rajonnaj balnicy, jahony stan miedykami aceńvajecca jak stabilna ciažki. Tranpartavańnie paciarpiełaha ŭ Minsk pakul niemahčymaja.
Uładzimir Kiškurna — inžynier, daŭni ŭdzielnik patryjatyčnaha ruchu.
Jon doŭhi čas byŭ aktyvistam Partyi BNF. Apošnim časam udzielničaŭ u tałokach u Kurapatach, dapamahaŭ uparadkvać uročyšča, staviŭ kryžy. Letaś byŭ zajaŭnikam šeścia ŭ nacyjanalnych strojach, jakoje nie dazvolili minskija ŭłady.
Kamientary