Častka zdadzienych za Viktara Ciareščanku podpisaŭ była naŭmysna sfalsifikavanaja. Pra heta staršynia Centrvybarkama Biełarusi Lidzija Jarmošyna paviedamiła ŭ efiry telekanała «Biełaruś 1».
Pavodle staršyni Centrvybarkama, častka podpisaŭ, jakaja była pradstaŭlena inicyjatyŭnaj hrupaj Viktara Ciareščanki, źjaŭlajecca nie prosta niedakładnaj, a naŭmysna sfalsifikavanaj. «Adna reč, kali ŭ podpisach daty prastaŭleny nie ŭłasnaručna. Ale kali podpis skapijavany na ksieraksie albo źjaŭlajecca podpisam nieisnujučaj asoby, kali podpisy vykanany za hramadzian inšymi asobami, heta vielmi surjoznaje pravaparušeńnie. Mienavita takija podpisy pieravysili toj samy krytyčny pracent», — patłumačyła Lidzija Jarmošyna.
Kamientujučy situacyju ź nibyta naŭmysnym atručvańniem Ciareščanki, staršynia Centrvybarkama skazała: «Ja dumaju, što heta rekłamny truk. Ja nie vieru ni ŭ jakuju teoryju zmovy, tamu što nazvać dadzienaha kandydata apazicyjnym i niebiaśpiečnym dla aficyjnaj ułady, ja dumaju, budzie mocnym pierabolšańniem».
Lidzija Jarmošyna taksama ličyć, što nie varta šukać u hetaj spravie zachodni śled. «Navošta Zachadu ŭ heta ŭmiešvacca i «ŭstaraniać» mienavita hetaha kandydata? Tym bolš jon absalutna nie prytrymlivajecca antyzachodnich pohladaŭ», — zaŭvažyła jana.
«Ja dumaju, što jon prosta-prosta uviedzieny ŭ zman, u tym liku svajoj ułasnaj inicyjatyŭnaj hrupaj. Viadoma, kryŭdna prajhravać, tym bolš u takim kantekście», — dadała Lidzija Jarmošyna.
Jak paviedamlałasia raniej, inicyjatyŭnyja hrupy Viktara Ciareščanki zdała dla pravierki 130.404 podpisy, adnak sapraŭdnymi ź ich pryznanyja tolki 6699.
Jak ciapier vyhladaje palitźniavoleny Ihar Łosik FOTA16
Kamientary