Kandydat u prezidenty Taćciana Karatkievič adpraviła ŭ skład Centrvybarkama ŭ jakaści svajho pradstaŭnika namieśnika staršyni Partyi BNF Ihara Lalkova.
Zhodna z artykułam 33-1 Vybarčaha kodeksa paśla rehistracyi kandydaty ŭ prezidenty majuć prava nakiroŭvać u skład CVK svajho pradstaŭnika ŭ jakaści člena kamisii z pravam daradčaha hołasu.
Ihar Lalkoŭ maje vopyt pracy jak člen CVK z pravam daradčaha hołasu: padčas parłamienckich vybaraŭ 2012 hoda jon pracavaŭ u hetaj jakaści jak pradstaŭnik Partyi BNF, paviedamlaje pres-słužba partyi.
«U pieršuju čarhu praca ŭ Centrvybarkamie dazvalaje brać udzieł u razhladzie skarhaŭ, stavić pytańni na paradak dnia i mieć dostup da ŭsich materyjałaŭ, jakija razhladajucca Centralnaj kamisijaj», — pryvodzić pres-słužba kamientaryj Lalkova.
Usio heta, pavodle słoŭ Lalkova, daje mahčymaść atrymlivać infarmacyju ab parušeńniach zakanadaŭstva, jakija robiać vybary ŭ Biełarusi niesumlennymi i niesvabodnymi.
Ihar Lalkoŭ zaklikaŭ usich udzielnikaŭ vybarčaha pracesu, u tym liku naziralnikaŭ i radavych vybarščykaŭ, «aktyŭna i apieratyŭna reahavać na ŭsie parušeńni, na vykarystańnie administracyjnaha resursu kamandy Łukašenki, na prymus da daterminovaha hałasavańnia». Pa ŭsich hetych faktach treba «abaviazkova padavać skarhi i ŭ Centrvybarkam, i ŭ terytaryjalnyja kamisii», padkreśliŭ namieśnik staršyni Partyi BNF.
Ciapier čytajuć
Biełaruska nabiła na ciele partrety Łukašenki i jaho synoŭ, Umki, Pucina dy Si Czińpina17
Kamientary