Adzin z aktyvistaŭ biełaruskaj apazicyi, jaki apošnija hady byŭ u emihracyi va Ukrainie, siońnia viarnuŭsia ŭ Minsk. Na vakzale Viačasłava sustreli žonka, maci i siabry.
«Nie źbirajusia mianiać svajo žyćcio, nie źbirajusia sychodzić z palityki, užo 17 vieraśnia budu brać udzieł u akcyi ŭ Minsku», — zajaviŭ Viačasłaŭ Siŭčyk u intervju Svabodzie. Całkam interviju čytajcie nieŭzabavie na sajcie Svabody.
Svajo rašeńnie viarnucca na radzimu Viačasłaŭ Siŭčyk źviazaŭ z čarhovymi prezidenckimi vybarami ŭ Biełarusi i zaznačyŭ, što apazicyi treba skarystacca źmianieńniem situacyi ŭ suviazi z rasijskaj ahresijaj suprać Ukrainy. Raniej ruch salidarnaści «Razam», jaki ŭznačalvaje Siŭčyk, padtrymaŭ vyłučeńnie palitviaźnia Mikałaja Statkieviča kandydatam u prezidenty.
Viačasłaŭ Siŭčyk źjechaŭ u Kijeŭ paśla vybaraŭ 2010 hoda. U Kijevie jon udzielničaŭ u akcyjach salidarnaści ź biełaruskimi palitviaźniami i ŭ Jeŭramajdanie.
Na minułym tydni ŭ Biełaruś z palityčnaj emihracyi ŭ Čechii viarnuŭsia eks-kandydat u prezidenty Biełarusi Aleś Michalevič.
Ciapier čytajuć
«Z maskalom havary, da kamień za pazuchaju dziaržy». My daviedvajemsia ŭsio bolš novaha pra Kastusia Kalinoŭskaha — palityka, jakoha ciapier nie chapaje3434
Kamientary