Najbližejšym časam departamient vieterynarnaha i charčovaha nahladu Ministerstva sielskaj haspadarki i charčavańnia Biełarusi razhledzić pytańnie ab uviadzieńni abmiežavańniaŭ na ŭvoz rybnaj pradukcyi z Łatvii i Estonii.
Jak paviedamiła pres-słužba Raśsielhasnahlada, pra heta zajaviŭ 30 vieraśnia ŭ Maskvie namieśnik ministra sielskaj haspadarki i charčavańnia Biełarusi Vasil Pivavar na rabočaj sustrečy z namieśnikam kiraŭnika Raśsielhasnahlada Jaŭhienam Niepakłonavym.
Niepakłonaŭ paviedamiŭ, što ŭsiaho pa vieterynarnych supravadžalnych dakumientach, aformlenych vieterynarnymi słužbami Łatvii i Estonii, z pačatku červienia pa kaniec vieraśnia hetaha hoda ŭ Biełaruś z Łatvii była ŭviezienaja 1.321 tona rybnaj pradukcyi (ryba marožanaja, kansiervy rybnyja), z Estonii — 3.398 ton (ryba marožanaja, u tym liku sałaka, kilka, bruški, chrybty łasosia, ikra sieladca salonaja marožanaja i inš.). Za toj ža pieryjad ź Biełarusi ŭ Rasiju pastupiła zvyš 1.900 ton kilki i sałaki marožanaj, vendžanaj, vostraha pasołu.
Pry hetym, padkreśliŭ Niepakłonoŭ, razmova idzie ab pradukcyi, jakaja nie tolki trapiła pad ekanamičnyja miery ŭ adkaz i paśla minimalnaj pierapracoŭki ŭ Biełarusi moža ŭvozicca ŭ Rasiju, a taksama ab pradukcyi, pryznanaj pavodle vynikaŭ inśpiekcyi patencyjalna niebiaśpiečnaj. U adpaviednaści z zakanadaŭstvam byli pryniatyja rašeńni ab zabaronie jaje ŭvozu na terytoryju JEAES. «Jość usie padstavy mierkavać, što rybnaja pradukcyja, vypracavanaja biełaruskimi pradpryjemstvami z patencyjalna niebiaśpiečnaj syraviny, dapuskałasia biełaruskimi ŭpaŭnavažanymi orhanami dla siertyfikacyi na rasijski rynak biez abmiežavańniaŭ. I ciapier, parušajučy patrabavańni zakanadaŭstva JEAES, Biełaruś praciahvaje ŭvoz rybnaj pradukcyi z Łatvii i Estonii. U šerahu vypadkaŭ dapuskajecca ŭvoz pradukcyi z pradpryjemstvaŭ hetych krain, zakrytych dla pastavak u Rasiju jašče ŭ 2013—2014 hadach», — adznačyŭ Niepakłonaŭ.
Vasil Pivavar paviedamiŭ ab «uzmacnieńni mier kantrolu za vytvorcami hatovaj rybnaj pradukcyi, jakaja pastaŭlajecca ŭ Rasiju, skiravanych na vyklučeńnie vykarystańnia pry vytvorčaści takoj pradukcyi syraviny, što pastupiła z Łatvii i Estonii».
Raśsielhasnahlad vykazaŭ hatoŭnaść prainśpiektavać u pačatku kastryčnika hetaha hoda biełaruskija pradpryjemstvy, jakija majuć prava pastavak svajoj pradukcyi na rasijski rynak. Biełaruskim bokam prapanova pryniataja.
Kamientary