U Minsku staršynia kamisii pryhnaŭ hruzavik, kab pieraškodzić naziralnikam źniać vybary na videa
Karespandent partała Tut.by Valancin Michalcoŭ apisaŭ absurdnuju situacyju, jakaja zdaryłasia padčas vybaraŭ na staličnym učastku.
«U vybarčaha ŭčastka №18 u Centralnym rajnie jość jašče adzin važny plus. U budynku, dzie jon raźmieščany, niama ustanoŭ, jakija pracujuć u niadzielu. Heta značyć usie tyja, chto ŭvajšli ŭ budynak, išli tolki na ŭčastak. Značycca, možna było zafiksavać na videa kolkaść vybarščykaŭ na praciahu dnia hałasavańnia. U vypadku prypisak, ukidaŭ i «karusielaŭ» heta videa mahło pasłužyć abjektyŭnym dokazam.
Ja raźmiaściŭ videakamieru ŭ svajoj mašynie na parkoŭcy nasuprać uvachodu na ŭčastak. Pryjšoŭšy ranicaj, ja ŭklučyŭ zapis i pajšoŭ na ŭčastak. Apoŭdni ja ŭbačyŭ, što roŭna pierad majoj mašynaj staić hruzavik i zakryvaje ahlad. Pry hetym miescaŭ na parkoŭcy było dastatkova. Kiroŭca hruzavika moŭčki vystaviŭ znak avaryjnaha prypynku i pakłaŭ pad škło zapisku «Złamany». Na prośbu chacia b adkacić mašynu i dać vyjechać, jon prosta syšoŭ u budynak Minskaj špalernaj fabryki, u jakim i znachodziŭsia ŭčastak.
Vyklikanyja na miesca aŭtainśpiektary vyznačyli prynaležnaść hruzavika. Heta byŭ transpart špalernaj fabryki. Pačali raźbiracca — vyśvietlili, što zakazčykam błakavańnia byŭ staršynia vybarčaj kamisii, adzin z kiraŭnikoŭ fabryki — Siarhiej Łuzin. Jon rastłumačyŭ, što zaŭvažyŭ videakamieru i daručyŭ kiroŭcu pierapynić zdymku z dapamohaj hruzavika.
Pa patrabavańni inśpiektara DAI «złamany» hruzavičok biez prablem adjechaŭ, kiroŭcu ciapier pahražaje štraf za niapravilnuju parkoŭku. Ale meta była dasiahnuta — videafiksacyju jaŭki my pravieści nie zmahli. Dla abjektyŭnaści patrabavaŭsia bieśpierapynny zapis, a nie z paŭtarahadzinnaj paŭzaj.
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu1515
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu15
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary