Niekalki dzion tamu ŭ Staradarožski RAUS pastupiła infarmacyja ad dziažurnaha ŭrača miascovaj balnicy ab tym, što ŭ reanimacyju sa šmatlikimi pranikajučymi nažavymi ranieńniami hrudziej dastaŭleny 22-hadovy miascovy žychar.
Jak paviedamlaje UUS Minskaha abłvykankama, pa aryjenciroŭcy apieratyŭnaha dziažurnaha naradami milicyi ŭ vioscy Kavaličy byli zatrymanyja čatyry miascovyja žychary. Papiarednie ŭstanoŭlena, što kampanija maładych ludziej prama na vulicy raśpivała śpirtnoje. Adzin z chłopcaŭ zapatrabavaŭ u siabra viarnuć doŭh — 80 tysiač rubloŭ.
Pamiž pryjacielami adbyłasia słoŭnaja svarka, jakaja chutka pierarasła ŭ bojku. U paryvie hnievu daŭžnik dastaŭ nož i trojčy ŭdaryŭ im u hrudzi kredytora.
Ubačyŭšy, što sprava pryniała niebiaśpiečny abarot, troje astatnich udzielnikaŭ incydentu vyklikali mašynu chutkaj dapamohi. Usie piaciora — znajomyja adzin z adnym ź dziacinstva, raniej nie pryciahvalisia da kryminalnaj i administracyjnaj adkaznaści.
Paciarpiełamu zroblena apieracyja, miedyki śćviardžajuć, što jamu pašancavała, bo adnym z udaraŭ była začeplenaja arteryja, i pry niekatorym pramarudžvańni maładoha čałavieka vyratavać było b niemahčyma.
Padazravany źmieščany ŭ izalatar časovaha ŭtrymańnia. Staradarožskim RASK raspačataja kryminalnaja sprava na padstavie č. 1 art. 147 KK (naŭmysnaje pryčynieńnie ciažkaha cialesnaha paškodžańnia).
Ciapier čytajuć
Mabilny Anžaliki Mielnikavaj z 19 sakavika znachodzicca na terytoryi Biełarusi70
Kamientary