Apublikavany pieršy rolik novaj šaścisieryjnaj televizijnaj ekranizacyi «Vajna i mir», jakaja projdzie na telekanale BBC1 u pačatku nastupnaha hoda.
Režysior sieryjała, što źjaŭlajecca sumiesnaj vytvorčaściu BBC i amierykanskaj Weinstein Company, — Tom Charpier («Zładziužki», «Žančyna ŭ čornym: anioł śmierci»).
Pjera Biazuchava hraje amierykanski akcior Poł Dana («Maleńkaja mis Ščaście», «Rubi Sparks», «12 hadoŭ rabstva»), Natašu Rastovu — anhličanka Lili Džejms («Papiałuška», «Abactva Daŭntan»), Andreja Bałkonskaha — Džejms Nortan, jaki pracavaŭ hałoŭnym čynam pakul tolki na telebačańni.
U roli Bałkonskaha-starejšaha — vieteran brytanskaha teatra i kino Džym Brodbent («Hary Poter», «Brydžet Džons», «Žaleznaja łedzi» i mnohija inšyja).
Heta ŭžo nie pieršaja pradpryniataja VVS ekranizacyja vialikaha ramana Lva Tałstoha. U 1972 byŭ pakazany 20-sieryjny telefilm z Entani Chopkinsam u roli Pjera Biazuchava.
Kamientary