Апублікаваны першы ролік новай шасцісерыйнай тэлевізійнай экранізацыі «Вайна і мір», якая пройдзе на тэлеканале BBC1 у пачатку наступнага года.
Рэжысёр серыяла, што з'яўляецца сумеснай вытворчасцю BBC і амерыканскай Weinstein Company, — Том Харпер («Зладзюжкі», «Жанчына ў чорным: анёл смерці»).
П'ера Бязухава грае амерыканскі акцёр Пол Дана («Маленькая міс Шчасце», «Рубі Спаркс», «12 гадоў рабства»), Наташу Растову — англічанка Лілі Джэймс («Папялушка», «Абацтва Даўнтан»), Андрэя Балконскага — Джэймс Нортан, які працаваў галоўным чынам пакуль толькі на тэлебачанні.
У ролі Балконскага-старэйшага — ветэран брытанскага тэатра і кіно Джым Бродбэнт («Гары Потэр», «Брыджэт Джонс», «Жалезная лэдзі» і многія іншыя).
Гэта ўжо не першая прадпрынятая ВВС экранізацыя вялікага рамана Льва Талстога. У 1972 быў паказаны 20-серыйны тэлефільм з Энтані Хопкінсам у ролі П'ера Бязухава.
Цяпер чытаюць
Выйшаў на свабоду беларус, якога ў свой час прысудзілі да пажыццёвага зняволення. Гэта першы вядомы такі выпадак9
Каментары